Illustrissimo ac gloriosissimo principi et domino domino Sigismundo divina favente clemencia Romanorum imperatori semper augusto ac Ungarie, Bohemie, Dalmacie, Croacie etc. regi presentis evi prosperitatem et eterne beatitudinis gloriam sempiternam, reverendissimo, reverendisque in Christo patribus et dominis Dei et apostolice sedis gracia archiepiscopo Salczburgensis et legato nato ac Pataviensi, Ratisponensi, Frisingensi, Gurcensi, Laventinensi, Seccoviensi, Brixinensi, Kyemensi episcopis eorumque ac cuiuslibet ipsorum in spiritualibus vicariis et officialibus generalibus, et universis ac singulis domnis abbatibus, prioribus, decanis, archidiaconis, scolasticis, cantoribus, custodibus, thesaurariis, sacristis, succentoribus, tam kathedralium quam collegiatarum canonicis, monasteriorum et religiosorum quorumcunque ministris generalibus et provincialibus, vicariis, custodibus, gwardianis sancti Johannis Jerosolomitani et beate Marie Thewtunicorum magistris, prioribus, commendatoribus, preceptoribus predicatorum minorum heremitarum sancti Augustini, beate Marie Carmelitarum ac quorumcunque aliorum ordinum fratribus exemptis et non exemptis, decanis ruralibus et parrochialium ecclesiarum rectoribus et eorum locatenentibus plebanis, viceplebanis, cappellanis, curatis et non curatis, vicarius perpetuis, altaristis ceterisque presbyteris, notariis et tabellionibus publicis quibuscunque per provinciam Salczburgensis civitatis et diocesis predictis ac alias ubilibet constitutis, necnon illustribus principibus, domnis comitibus palatini Reni ac Bavarie nec non Austrie ducibus comitumque Tyrolis ceterisque domnis ducibus, landgraviis, burgraviis, marchionibus, comitibus, baronibus, militibus, nobilibus, militaribus, justiciariis, judicibus eorumque officialibus, maioribus, rectoribus, advocatis, capitaneis, magistratibus, ministratoribus, balneis sculptetis, magistris civium, proconsulibus, consulibus, scabinis, civibus, opidanis, incolis servientibus, scribis, forestariis et preconibus quarumcunque curiarum et locorum secularium terrarum, civitatum, communitatum, opidorum, castrorum, villarum, districtuum et locorum quorumcunque ac universis et singulis armigeris et christifidelibus tam in spiritualibus quam in temperalibus iurisdiccionem quamcunque exercentibus coniunctim et divisim quibuscunque nominibus censeantur cuiuscunque preeminencie, excellencie, dignitatis, status, gradus, ordinis vel condicionis existant, omnibusque aliis et singulis, quorum interest, intererit vel interesse poterit, quomodolibet in futurum, Johannes Dei gracia episcopus ecclesie Kyemensis, executor ad infrascripta unacum infrascriptis nostris in hac parte collegiis cum illa clausula, quatenus vos vel duo aut unus vestrum per vos vel alium seu alios etc. a sacrosancta generali synodo Basiliensi specialiter deputatus, salutem in Domino et mandatis nostris huiusmodi ymo verius dicte synodi firmiter obedire, literas prefate synodi eius vera bulla plumbea in cordula canapis more ipsius synodi impendente bullatas, sanas et integras, non viciatas, non concellatas, nec in aliqua sui parte suspectas, sed omni prorsus vicio et suspicione carentes, ut prima facie apparebant, nobis pro parte venerabilis patris ac honorabilium et religiosorum virorum, dominorum n. abbatis et conventus monasterii sancti Kyliani in Lambach, ordinis sancti Benedicti, Pataviensis diocesis, prinicipalitum in ipsis literis principaliter nominatorum coram notario publico et testibus infrascriptis presentatas, nos cum ea, qua decuit, reverencia recepisse noveritis tenore, qui sequitur continentes Es folgt der Text der Urkunde vom 1435 IX 20 Post quarum quidem literarum ipsius synodi presentacionem et recepcionem nobis et per nos, ut premittitur, factam, fuimus pro parte prefatorum dominorum n. abbatis monachorum et conventus dicti monasterii in Lambach, Pataviensis diocesis, principalium debita cum instancia requisiti, quatenus ad execucionum dictarum literarum et in eis contentarum procedere dignaremur, iuxta traditam seu directam a dicto synodo nobis gormam, nos igitur Johannes, episcopus et executor prefatus, attendentes requisicionem huiusmodi fore iuxtam et consonam racionem volentesque mandatum dicte synodi nobis in hac parte directum reverenter exequi, ut tenemur, auctoritate dicte synodi nobis commissa et qua fungimur in hac parte vos omnes et singulos supradictos et vestrum quamlibet tenore presencium requirimus et monemus primo, secundo, tercio et peremptorie vobis nichilominus et vestrum cuilibet in virtute sancte obediencie et sub penis infrascriptis districte precipiendo mandamus, quatenus prefatis domnis abbati, monachis et conventui contra quoscunque transgressores et violatores constitucionum et sanccionum, de quibus in pretactis literis fit mencio, cuiuscunque gradus, dignitatis et excellencie fuerint, efficacis defensionis auxilio assistentes non permittatis seu alter vestrum non permittat, eos contra canonicas et legales sancciones in preinsertis literis expressas indebite molestari, vosque nichilominus et presertim viri ecclesiastici infra sex dierum spacium post presentacionem seu notificacionem presencium vobis seu alteri vestrum factaes et postquam pro parte prefatorum domnorum abbatis, monachorum et conventus fueritis requisiti seu alter vestrum fuerit requisitus immediate sequencium, quorum sex dierum, duos pro primo, duos pro secundo et reliquos duos dies vobis universis et singulis supradictis pro tercio et peremptorio termino ac monicione canonica assignamus transgressores et violatores predictos et communitates ac personas publicas vel privatas in preinsertis literis contentas culpabiles auctoritate et tenore predictorum requiratis et moneatis primo, secundo, tercio et peremptorie, quos eciam et eorum quemlibet requirimus et monemus eis nichilominus et eorum cuilibet in virtute sancte obediencie et sub penis supra et infrascriptis districte precipiendo mandamus, quatenus infra quindecim dierum spacium post monicionem et requisicionem vestras huiusmodi per vos vel alterum vestrum eisdem factas, inmediate sequencium, quorum quindecim dierum quinque pro primo, quinque pro secundo et reliquos quinque dies eisdem et cuilibet eorum pro tercio et peremptorio termino ac monicione canonica assignetis, quod nos eisdem etiam sic assignamus tallias, gabellas et quaslibet illicitas exacciones ac eciam bona mobilia et inmobilia dictorum domnorum abbatis et conventus communiter vel divisim occupata, arrestata, detenta et applicata restituant et illa aut que per se vel alios illo pretextu quolibet receperunt seu verisimiliter tenere usurparunt a se libere et omnino relaxent nec non ab earundem tallearum collectarum imposicione et extorsione ac bonorum huiusmodi invasione, arrestacione, occupacione, detencione et applicacione penitus et omnino desistant, statutaque et ordinaciones in preiudicium dictorum domnorum abbatis et conventus ceterorumque supradictorum principalium factas revocent et de luce tollant ac secundum illa amplius non iudicent neque alique ex dictis abbatis et conventus diffident, proscribant, captivent, spoliant, occidant, mitilent aut in carcere detineant vel huiusmodi malefici perpetrantes, scienter receptent vel eis favorem prestent, neque eciam bona quecunque ad dictos domnos abbatem et conventum spectancia et pertinencia transferant contra preinsertarum canonicarum et legalium sanccionum vim, mentem, effectum, exigenciam et tenorem ac in manibus vestris iurent, quod decetero talia non committent et ea committentibus non prestent auxilium, consilium vel favorem, quod si forte premissa omnia et singula, prout vobis mandantur, non adimpleveritis mandatisque et monicionibus nostris huiusmodi ymmo verius dicte synodi non realiter et cum effectu parueritis, nos in vos omnes et singulos supradictos, qui culpabiles fueritis in premissis ac generaliter in contradictores quoslibet et rebelles tam ecclesiasticos quam seculares cuiuscunque dignitatis, status, gradus, ordinis vel condicionis existant exnunc prout extunc et extunc prout exnunc singulariter in singulos dicta canonica monicione premissa excommunicacionis. In capitula vero collegia et monasteria, conventus in hiis delinquencia suspensionis a divinis et in ipsorum delinquencium ecclesias interdicti sentencias ferimus in his scriptis et eciam promulgamus vobis vero reverendis patribus domnis archiepiscopis et episcopis predictis, quibus ob reverenciam vestrorum pontificalium dignitatum duximus deferendum in hac parte. Si contra premissa aut aliquid premissorum feceritis vel submissas personas predictas sex dierum canonica monicione premissa ingressum ecclesie interdicimus in hiis scriptis, si vero huiusmodi interdictum per alios sex dies prefatos sex dies immediate sequentes sustinueritis vos simili canonica monicione premissa in hiis scriptis suspendimus a divinis, verum si prefatorum interdictorum et suspensionum sentencias per alios sex dies prefatos duodecim dies immediatos sequentes animis, quod absit, sustinueritis, induratis, vos simili canonica monicione premissa in hiis et eisdem scriptio excommunicacionis sentencia innodamus. Ceterum cum ad execucionem ulteriorem in presenti negocio faciendam nequamus, quo ad presens aliis arduis prepediti negociis personaliter interesse universis et singulis domnis abbatibus, prioribus, prepositis, decanis, archidiaconis, scolasticis, cantoribus, custodibus, sacristis, theraurariis tam kathedralium quam collegiatarum canonicis, parrochialiumque ecclesiarum rectoribus seu locatenentibus eorundem plebanis, viceplebanis, cappellanis, curatis et non curatis, vicariis perpetuis, altaristis, ceterisque presbiteris, clericis notariis et tabellionibus publicis quibuscunque per provincias, civitates et dioceses predictas et alias ubilibet constitutis et eorum cuilibet in solidis super ulteriori execucione huiusmodi mandati dicte synodi atque nostri facienda tenore presentium committimus plenarie vices nostras donec eas ad nos duxerimus revocandas, quos nos eciam et eorum quemlibet tenore presencium requirimus et monemus primo, secundo, tercio et peremptorie eisque nichilominus et eorum cuilibet in virtute sancte obediencie et sub excommunicacionis pena, quam in eos et eorum quemlibet, nisi fecerint ea, que mandamus per et infrascripta canonica monicione premissa in hiis scriptis districte precipiendo mandantes, quatenus infra sex dierum spacium post notificacionem presencium eis vel eorum alteri factam et postquam pro parte prefatorum domnorum abbatis et conventus ceterorumque predicti monasterii personarum ecclesiasticarum antedictarum coniunctim vel divisim vigore presencium super hoc fuerint requisiti aut aliquis eorum fuerit requisitus quem quidem terminum eis et eorum cuilibet pro omni dilacione et canonica monicione assignamus, ita tamen, quod in hiis exequendis unus eorum alium non exspectet neque alter per alium se excuset, ad vos omnes et singulos supradictos aliasque personas atque loca, de quibus ubi, quando et quociens expediens fuerit, accedant seu alter eorum accedat ac preinsertas literas dicte sacre synodi et presentem nostrum processum ac omnia et singula in eis contenta vobis omnibus et singulis supradictis et aliis, quorum interest, intererit vel interesse poterit, quomodolibet in futurum legent et intiment, et fideliter publicari procurent, dictasque tallias, collectas gabellas, exacciones et bona domnorum abbatis et conventus predictorum communiter vel divisim arrestata, occupata, detenta et applicata eisdem premissorum occasione pro tempore lesis et gravatis restitui, et emendam condignam et satisfaccionem debitam iuxta facti qualitatem impendi faciant et procurent, et nichilominus eosdem transgressores et violatores et alios predictos dum et quando ipsas excommunicacionis, anathematis et alias penas in preinsertis literis contentas expresse constiterit, incurrisse et super hoc pro parte dictorum domnorum abbatis et conventus coniunctim vel divisim principalium fuerint requisiti seu alter eorum fuerit requisitus in eorum ecclesiis, monasteriis et cappellis infra missarum et aliorum divinorum sollemnia, dum ibidem populi multitudo ad audienda divina vel alias converirt?, excommunicatos et anathematizatos publice denunciet et ab aliis, quantum in eis fuerit, denunciari faciat et ab omnibus christifidelibus arcius evitari, donec earundem talliarum, gabellarum, collectarum, extorsionum et bonorum invasionum, occupacionum, detencionum, applicacionum destiterint aut efficaciter restituerint eisdem domnis superius sepius expressis occasionem premissorum per eos pro tempore lesis et gravatis tallias, gabellas et exacciones, necnon bona huiusmodi arrestata, occupata, detenta et applicata ipsis aut que per se vel alios quomodolibet receperunt, seu verius temere usurparunt a se libere et omnino relaxent et iuraverint, quod de cetero talia non committant et ea committentibus non prestent consilium, auxilium vel favorem, ipsique excommunicati et anathematizati absolucionis beneficium a predictis sentenciis meruerint obtinere. Si vero prefati transgressores et violatores ceterique contradictores in hac parte et rebelles huiusmodi denunciacionem non curaverint et eandem per decem dies, postquam de premissis noticiam habuerint, inmediate sequentes pertinaciter insorduerint, extunc processus nostros contra eosdem continuandi et aggravandi attendentes, quod tanto graviora sunt peccata, quanto diucius infelices animas detinent alligatas, quodque crescente malicia et inobediencia crescere debet et pena. Ne facultas venie audaciam tribuat delinquendi, auctoritate dicte synodi, qua fungimur, in hac parte omnes et singulos subditos nostros supradictos requirimus at monemus ac eisdem modo et forma premissis et sub dictis penis et sentenciis precipimus et mandamus, quatenus singulis diebus dominicis et festivis, quociens et quando pro parte dictorum domnorum abbatis et conventus coniunctim et divisim principalium super hac fuerint requisiti seu alter eorum fuerit requisitus infra missarum et aliarum horarum canonicarum solemnia fideli populo ad divina audiendi congregato predictam dencunciacionem innovantes prefatos transgressores ac violatores ceterosque contradictores et rebelles sic ut premittitur, excommunicatos et denunciatos campanis pulsatis et candelis accensis ac demum extinctis et in terram proiectis, cruce erecta et religione induta aquam benedictam aspergendo ad fugandum demones qui eos sic detinent ligatos et suis laqueis cathenatis orando, quod dominus noster Jesus Christus ipsos ad katholicam fidem et sancte matris ecclesie gremium reducere dignetur, ne in talibus duricia et perversitate dies suos finire permittat, cum decantacione responsorii, revelabunt celi ininquitatem Jude etc. et psalmi Deus laudem ne tacueris cum antiphonamedia vita etc. secundum eorum tenores populo in materna lingwa exponendo, quo facto ad januas ecclesiarum unacum clericis et parrochianis eorum accedant et ad terrorem, ut ipsi transgressores et violatores ac contradictores et rebelles sic, ut premittitur, excommunicati, denunciati et aggravati eo cicius ad obedienciam reddant tres lapides versus earum habtacionem proiciendo in signum maledictionis eterne, quam deus dedit Tathan et Alyron, quos terra vivos absorbuit, eciam post missam et in vesperis et aliis quibuscunque horis canonicis, sermonibus et predicacionibus solemniter publicent et denuncient ac ab aliis denunciari et publicari et ab omnibus christifidelibus arcuis evitari faciant et procurent tam diu, donec et quousquam aliud a nobis vel superiori nostro habuerint seu receperint in mandatis. Verum si prefati transgressores et violatores ac contradictores et rebelles huiusmodi denunciacionem et aggravacionem per alios decem dies proximum dictos decem dies immediatos sequentes, postquam ad earum noticiam pervenerit, animis eorum, quod absit, sustinuerint induratis, extunc processus nostros huiusmodi contra eosdem reaggravamus sub predicti subdelegati nostri auctoritate dicte synodi modo et forma premissis, omnes et singulos christifideles utriusque sexus homines moneant et requirant, quos nos eciam tenore presencium sic requirimus et monemus eisque et eorum cuilibet in virtute sancte obediencie et sub excommunicacionis pena, qua in quemlibet contra facientem ferimus in hiis scriptis districte iniungent prout nos etc. eisdem tenore presencium sic iniungimus et precipue familiaribus et servitoribus prefatorum excommunicatorum, aggravatorum et reaggravatorum, quatenus infra sex dierum spacium post monicionem et requisicionem huiusmodi eis, ut premittitur, factis immediatis sequentibus, quorum sex dierum, duos pro primo, duos pro secundo, et reliquos duos dies ipsis familiaribus et servitoribus universis et singulis christifidelibus utriusque sexus pro tercio et peremptorio termino et monicione canonica assignent, quos nos eciam sic assignamus eisdem, ut ipsi familiares et servitores a familiaritate et servicio ceterique utriusque sexus homines a participacione et communione ipsorum denunciatorum, aggravatorum et reaggravatorum penitus et omnino desistent et quilibet eorum desistat, nec cum eisdem serviendo, famulando, loquendo, stando, sedendo, ambulando, salutando, hospitando, comedendo, bibendo, molendo, coquendo cibum, potum, ignem aut alia quecunque vite et victui necessaria quomodolibet ministrando aut alio quovis humanitatis solacio in aliquo participare presumant seu alter eorum presumat parentibus, fratribus, sororibus et aliis personis in casibus a iure premissis dumtaxat exceptis quod si contrarium fecerint seu fecerit, nos in eos et eorum quemlibet contra facientem exnunc prout extunz dicta sex dierum canonica monicione premissa excommunicacionis sentenciam ferimus in his scriptis et eciam promulgamus et nichilominus omnes et singulos subdelegatos nostros supradictos modo et forma dicta auctoritate sacre synodi requirimus et monemus, quatenus singulis diebus dominicis et festivis, quociens et quando pro parte dictorum domnorum abbatis et conventus aliorum principalium fuerint requisiti seu alter eorum fuerit requisitus, prefatos familiares et servitores ac christifideles cum dictis denunciatis, aggravatis et reaggravatis modo premisso participantes in suis ecclesiis et cappellis infra missarum sollemnia, dum ibidem populi multitudo ad divina audiendum convenerit, per nos, ut premittitur excommunicatos publice denuncient, et ab aliis denunciari et ab omnibus christifidelibus arcius evitari faciant, tam diu et donec quousque aliud a nobis veb superiori nostro habuerint in mandatis ac ipsi beneficium absolucionis meruerint obtinere, vobis autem et dicte sancte synodi auctoritate omnibus christifidelibus precipimus et mandamus sub penis ac sentenciis supra et infrascripta, ne aliquis ipsorum predictorum excommunicatorum, aggravatorum ac reaggravatorum ac participancium cum eisdem quam diu in huiusmodi rebellione perstiterint et obedire non curaverint, super debitis ac aliis negociis in foro ecclesiastico vel seculari respondere presumat, sed ipsis, ut premittitur, rebellibus omnis iuris ordo et actus iudicialis precludantur penitus et negentur, nec eorum testimoniis fides adhibeatur, ipsi tamen aliis omnino respondere teneantur. Si vero prenominati excommunicati, aggravati et reaggravati per alios decem dies dictos viginti dies immediate sequentes, postquam ipsis constiterit huiusmodi reaggravacionem ad eorum et cuiuslibet ipsorum noticiam pervenisse, et per dictas nostras sentencias, quod absit, sustinuerint indurati Pharaonis duriciam imitando, et ad modum sardi aspidis aures suas obdurancium, ne vocem audeant incantantis. Nos enim exnunc prout extund dictis ultimis eciam diebus elapsis, quem terminum eis et cuilibet eorum super hoc pro omni dilacione et termino peremptorio ac monicione canonica assignamus, omnes et singulas civitates, opida, terras, villas, castra, suburbia et quarumcunque ecclesiarum tam kathedralium quam collegiatarum collegia, parrochias et quecunque alia loca in et sub quibus dictos excomunicatos, aggravatos et reaggravatos morari et ad quos et que eosdem declinare et devenire contigerit, quam die ibidem fuerint, seu aliquis eorum fuerit in his scriptis auctoritate nostra, ymmo verius dicte synodi ecclesiastico supponimus interdicto mandantes omnibus et singulis subdelegatis nostris supradictis modo et forma premissis ac sub penis et sentenciis antedictis, quatenus extunc, cum dicti excommunicati, aggravati et reaggravati et participantes cum eisdem aut eorum aliquis in dictis locis fuerint seu fuerit a divinorum officiorum celebracione cessent et ab aliis cessari faciant ianuis apertis in presencia populi astantis, quamquidem cessacionem per tres dies continuos post ipsorum vel alterius eorundem recessum observent et continuent et ab aliis continuari faciant et permittant, ita et taliter, quod huiusmodi stante interdicto nulla ecclesiastica sacnamenta in et sub eisdem locis, quibus dicti excommunicati, aggravati et reaggravati fuerint aut aliquis eorum fuerit, penitus ministrentur, nisi penitencia, confessio et baptismus omnibus indifferenter, ewkaristia infirmis tantum et matrimonium sine ecclesiastica sollenmitate contrahatur inibique et sub eisdem locis decedentibus ecclesiastica sepultura denegetur. Demum si prefati denunciati, aggravati et reaggravati et interdicti spiritum rebellionis assumentes processus huiusmodi ut aquam absorbentes et mala malis accumulantes, per alios decem dies prefatos triginta dies immediate sequentes animis, quod absit induratis sustinuerint et se ostenderint de huiusmodi processibus et sentenciis nostris non curarent, nos eo casu attendentes mucrone non proficiente ecclesiastico temporalis gladius non in merito suffragetur, et quod tales non sint a christifidelibus aliqualiter tollerandi nec eis locorum presides impendere debeant consilium, auxilium vel favorem, sed spiritualis gladius temporalem sibi communicans potestatem illos afficere, qui sic maiestatem divinam offendere non verentur et quos Dei timor a malo non revocat, saltem temporalis cohereat severitas discipline, ut saltem ipsius pene metu perterriti cogentur ad sancte matris ecclesie mandata reddire sic, quod nos cum eodem summo desideantes affectu, ut dicti excommunicati, aggravati, reaggravati et interdicti spiritum assummant consilii sanioris et ad mandata ecclesie revertantur, ne in derogacionem censure ecclesiastice de cetero pululet tantus error. Hinc est, quod vos illustrissimum et invictissimum ac serenissimum principem domnum imperatorem antedictum dicti gladii prinicipalem vibratorem et supreme iusticie zelatorem in Domino exhortamur, necnon dominos archiepiscopos, episcopos et abbates ac personas alias ecclesiasticas, vosque domnos duces Bavarie et Austrie etc. aliosque dominis duces, comites, barones, nobiles, milites, iudices, balinos et alios predictos, quibus presentes nostri processus dirigantur in civitatibus, provinciis et diocesibus predictis quoque ubilibet constitutis per regna et dominia predicta iurisdiccionem ordinariam et temporalem exercentes et eorum quemlibet religionis et fidei christiane participes auctoritate supradicta requirimus et monemus, primo, secundo, tercio et peremptorie communiter et divisim vobisque nichilominus et vestrum cuilibet in virtute sancte obediencie et sub infrascriptis sentenciarum penis districte precipiendo mandantes, quatenus infra sex dierum spacium post lapsum dictorum terminorum et postquam huiusmodi nostri processus vobis seu alteri vestrum in vestris iurisdiccionibus, districtibus fuerint publicati immediate sequentes, quorum quidem sex dierum duos pro primo, duos pro secundo et reliquos duos dies vobis universis et singulis predictis pro tercio et peremptorio termino ac monicione canonica assignamus vos serenissime princeps domne imperator, archiepiscopi, episcopi et vestrum quilibet, quorum omnium super hoc auxilium brachii secularis presentibus invocamus, quociens et quando pro parte dictorum domnorum abbatis et conventus aliorumque supradictorum communiter vel divisim requisiti seu alter vestrum fuerit requisitus in iuris presidium contra prefatos denunciatos, aggravatos, reaggravatos et interdictos per vos vel alium seu alios tamquam viri katholici vestri in hac parte officiis dexteram extendentes, super quibus vobis omnibus et singulis auctoritate predicta licenciam plenariam concedimus per presentes predictos transgressores et violatores ac contradictores et rebelles et eorum quemlibet prout culpabiles fuerint, qui sic ecclesiasticum contempnunt iudicium et censuram ecclesiasticam vilipendunt per capcionem corporis absque tamen gravi lesione, destruccione bonorum mobilium et immobilium, si mobilia non sufficerent in vestris iurisdiccionibus consistencia, et deinde per ipsarum personarum capcionem, detencionem et incarceracionem ac quemcunque alium modum canonicum, qui vobis domnis imperatori et aliis supradictis videbitur expedire, auctoritate nostra ymmoverius dicte synodi predictos viriliter compellatis et quilibet vestrum compellet eciam manu forti ad restituenda bona abbatis arrestata, occupata, detenta et illesa omnino relaxandi et a quibuscunque imposicionibus, extorsionibus, invasionibus, arrestacionibus, occupacionibus, detencionibus et applicacionibus penitus et omnino desistendum statutaque et ordinaciones in preiudicium dictorum domnorum abbatis et conventus ceterorumque principalium communiter vel divisim factas revocandi et de luce tollendi, necnon ad parendum et obediendum in omnibus et per omnia premissis sacrosancte synodi literis et presentibus nostris processibus iuxta eorum seriem et tenorem ac redeundum ad gremium sancte matris ecclesie nullo alio exspectato, mandato ac alias ipsos inobedientes et rebelles constringatis et compellatis et quilibet vestrum constringat et compellat vestra potencia brachiis secularibus, donec ad obedienciam sancte matris ecclesie pervenerint et processibus paruerint antedictis realiter et cum effectu et a prefatis sentenciis beneficium absolucionis meruerint obtinere aut vos aliud a nobis vel superiori nostro desuper habueritis in mandatis, quod si forte vos illustrissime, invictissime ac serenissime princeps et domne executor iusticie presentis nostri processus ac mandatorum nostrorum ymmoverius dicte synodi huiusmodi contradictor, transgressor vel neglector fueritis, quod tamen serenitatis vestre prefulgide iam dudum per totum orbem difulgate obediencie suspicari non sinit, proculdubio eciam iudicium iusti iudicis offenderitis et premium alias pro huiusmodi iusticie execucione a Deo paratum, nichilominus amittetis et licet vos huiusmodi nostris sentenciis, prout inscriptio feruntur et promulgantur, ligari noluerimus ob reverenciam vestre imperialis maiestatis deferentes, cui eciam non in merito deferendum existit, intuitu tamen iusticie ac ob dicte synodi reverenciam vestramque serenitatem ad prefatam execucionem iusticie prout ad ipsam serenitatem spectat et pertinet, in Domino exhortamur, ut generaliter omnia et singula vobis in hac parte commisa plenarie exequantur iuxta traditam seu directam a dicto synodo nobis formam volumus tamen, quod idem subdelegati nostri nichil in preiudicium dictorum domnorum abbatis et conventus coniunctim vel divisim seu ipsorum procuratores valeant attemptare, nec quitquam circa processus per nos habitos et sentencias, per nos latas inmutare. In certis eciam, que dictis abbati vel conventui vel eorum procuratoribus in premissis nocere possent, prefatis nostris subdelegatis et eorum cuilibet potestatem omnimodam denegamus, et si contingat nos super premissis in aliquo procedere, de quo nobis potestatem plenariam reservamus, non intendimus propterea commissionem nostram huiusmodi in aliquo revocare, nisi de revocacione ipsa specialem et expressam in nostris literis fecerimus mencionem, per processum autem nostrum huiusmodi nolumus dictis nostris in aliquo preiudicare collegiis, quominus ipsi possint seu alter eorum possit, servato tamen hoc modo processu in huiusmodi execucione negocia ulterius procedere prout ipsis seu eorum alteri visum fuerit expedire. Prefatas quoque literas dicte synodi, et hunc processum volumus penes dictos abbatem et conventum seu eorum procuratores remanere et non per vos seu quemvis alium ipsis invitis quomodolibet detinere. Contrarium vero facientes prefatis nostris sentenciis, prout in his scriptis late sunt, ipso facto volumus subiacere, mandamus tamen copiam fieri de premissis eam petentibus et habere debentibus petencium quoque sumptibus et expensis, absolucionem vero omnium et singulorum, qui prefatas nostras sentencias aut earem aliquam incurrerint seu incurrerit quoquo modo nobis vel superiori nostro reservamus. In quorum omnium et singulorem fidem et testimonium presentes literas sive publicum instrumentum huiusmodi nostrum processum in se continentem seu continens exinde fieri et per notarium publicum infrascriptum subscribi et publicari mandavimus, nostrique sigilli fecimus appensione communiri. Datum et actum Salczburge in curia nostra episcopali sub anno Domini millesimo quadringentesimo tricesimi sexto, indiccione quarta decima, die vero nona mensis marcii hora meridici vel quasi, pontificatus sanctissimi in Christo patris et domni nostri domini Eugenii divina providencia pape quarti anno eius sexto, presentibus ibidem religioso ac honorabilibus et discretis viris domnis Petro Kluckhaymer, priore monasterii sancti Petri Salczburge, Jacobo Ebser in Czell, vallis Pinczgaw et Michaele Gruminger in Pranberg ecclesiarum parrochialium rectoribus, presbyteris, et Luca Hochenvelder, armigero nostro familiari Salczburgensis et Pataviensis diocesis testibus ad premissa vocatis pariter et rogatis.

Et ego Conradus Smausser, clericus Salczburgensis, publicus imperiali auctoritate ac consistorii curie Salczburgensis notarius iuratus, quia dictarum literarum sacrosancte generalis synodi Basiliensis presentacioni, recepcioni earundem processuum fulminacioni et decreti interposicioni unacum invocacione auxilii brachii secularis, omnibusque aliis et singulis premissis, dum sic ut premittitur, agerentur et scienter unacum prenominatis testibus presens interfui, eaque sic fieri vidi et audivi, ideo hoc presens publicum instrumentum per alium fideliter scriptum exinde confeci meque subscripsi et in hanc publicam formam redegi signoque et nomine meis solitis et consuetis unacum appensione sigilli reverendi in Christo patris et domni domni Johannis episcopi Kyemensis, executoris prefati et de ipsius mandato consignavi rogatus et requisitus in fidem et testimonium omnium et singulorum premissorum.