Dem erwirdigen geistleichen herren hern Thomann abbt zu Lambach, embietn wir Thoman und Hanns gebrueder die Pirhinger unser gehorsam dienst. Wir tuenn ewren gnaden ze wissen, das wir uns liebleich und frewntleich verricht und veraint haben mit unsrer lieben muemen Dorothea Grewffen, des Pirhinger unsers vater brueder seligen witib, umb alle die gerechtikait, so wir gehabtt haben an dem hof ze Pirhach ewer gnaden lechen und dienstperigm gut, und dadurch bitten wir ewr gnad mit vleyss, ir wellet denselben hof gan¬ czen verleichen und bestetten dem erbern Paulsen dem Helberger, burger ze Lynncz, und allen seinen eriben. Und wann ewr gnad das also getan hat, so sagen wir ewr gnad und ewr gotshaus aller unser gerechtikait, so wir an dem benanten hof gehabtt haben, gancz ledig und welln das umb ewer gnad gehorsamleich gern umb ewch verdienn. Mit urkund des briefs besigelt mit mein obenantn Thoman des Pirhinger aygen aufgedrukchttem insigel, darunnder ich mich obenanter Hanns Pirhinger, sein brueder, mit mein trewn verpind, alles das war und stet ze halden, so an dem brief geschribem stet, wann ich diezeit nicht grabns insigel gehabt hab, und der sachen ist zewg durch unser vleissigen pet willen der erber Kaspar Pirgel, richtter ze Swertperig mit seinem aufgedrukchttem insigel, im und sein erben an schadn. Geben an eritag vor Pangracii anno Domini etc. tricesimosexto.