[Wir Thomas von Got]es genaden abbt ze Lambach bekennen mit dem brief, das fur uns komen sind Thoman Smid burger ze Swanns, Hanns Vischer ze [...] Vischer ze Staig, Hanns Staiger genant Francois burger ze Wels, und habent mit wolbedachtem mut und gutem willen recht [...]ufft all ir eribschaft und gerechtikait, so sew gehabt habent an dem gut genant daz Mittergut ze Staig mit aller seiner zugehor[...] und durch recht darzu gehort, darinn nichtz ausgenomen noch hindan gesaczt angever, gelegen in Swannser pfarr und das da [...] uns und unserm gotshaws Leonhardten dem Leyttner bey dem Pach, seiner hawsfrawn und allen sein erben umb ain sum gelts [...] gar entricht und beczalt worden sind zu rechtten tagen an allen schaden. Und habent auch die vorgemelltten all Thaman [...] Franczoys und Lienhart das benant gut mit recht spruch und taiding in ir aller gwaltsam bracht und erlost von [...]efman ze Staig nach innhaltung des briefs, ausganngen von unserm vorsedel abbt Erasem seliger gedechtnuzz und [...]rer eribschaft und gerechtikait underweyst mit spruchbriefen ze Lynntz ausganngen. Also haben wir im dem gemeltten[...]usfrawn und allen sein eriben das gemeltt gut mit seinen zugehorungen bestett und verlichen, was wir in rechtleichen [...] verleichen sullen oder mugen in der beschaiden, daz man uns und unserm gotshaws all jar jarleichen davon raichen und [...] lieben frawntag der dienstzeit ain muttel korn, czway muttel habern, vier huener, zu sannd Andreastag funfczigk [...] ain swein, zu dem prehentag sechczigk Wienner phening ze pawstewr, ain vaschanng henn, ze sannd Jorigentag [...]ner phening ze vogtstewr. Es sind auch di obgemeltten Thaman Smid, Hanns Vischer, Philipp Vischer, Hanns Franczois und [...]anten gutz mit seiner zugehorung sunder aller irer erbschaft und gerechtikait daran des gemeltten Lienharten, seiner haws[...]ren eriben rechtt gwern und furstandt fur all rechtleichew ansprach, wo in des not und durft beschiecht mit dem rechten [...] kauffs, eribrechts und lanndes ob der Enns recht ist. Wir offen auch, das sy kainerlay wanndlung damit nicht haben [...] an unser hanndt und gutem willen, und sullen uns auch alles das davon leyden und dulden, das annder unsers [...] gen uns leydent und duldent unverczigen unsers gotshaws rechten in allen sachen. Ze urkund geben wir in [...] brief besigeltem mit unserm anhanngundem insigel. Geben als man zalt nach Kristi geburde in dem vierczechen[...]ununddreissigisten jaren an sambstag vor Braxedis virginis.