Wir Thaman von Gotes genaden abbt ze Lambach bekennen mit dem brief, das fur uns komen ist Elsbeth, Hannsen des Stegleins weylandt in der Lederaw seligen hawsfraw, und hat mit wolbedachtem mut und gutem willen recht und redleichen verkaufft das halb gut in der Lederaw, gelegen in Varichdorffer phare, und ist genant das Merergut, und das sy vormallen in ir gwaltsam bracht hat von des benanten irs mann seligen geswistreden, des wir underweist worden sein mit briefleicher urkund, und das eribrecht ist von uns und unserm gotshaws, und hat das nun ze kauffen gegeben irm lieben sun Lienhardten und allen sein eriben umb ain sum gelts, der sy gantz und gar entricht und beczalt worden ist zu rechtten tagen an allen schaden. Also haben wir im dem yetz gemeltten Lienhardten und allen sein erben das gemeltt halbguet mit seiner zugehorung bestett und verlichen, was wir in rechtleichen daran bestetten und verleichen sullen oder mugen in der beschaiden, das man uns und unserm gotshaws all jar jarleichen davon raichen und dienn sol nach innhaltunng unsers gotshawss urbarpuch lawtt und sag. Es ist auch die obgemellt Elsbeth und all ir eriben des benanten halben gut mit seiner zugehorung des gemeltten irs sun Lienharten und aller seiner eriben rechtt gwern und furstandt fur all rechtleichew ansprach, wo und wann in des not und durft beschiecht mit dem rechten, als dann soleichs kauffs eribrechtz und lanndes ob der Enns recht ist. Wir melden auch, das sy kainerlay wanndlung damit nicht haben sullen in kainerlay weis an unser hanndt und gutem willen und sullen uns auch alles das davon leyden und dulden, das annder unser eribler gein uns leydent und duldent unverczigen unsers gotshawss rechten in allen sachen. Ze urkund geben wir in des also den offenn brief, besigeltem mit unserm anhanngunndem insigel. Geben als man zalt nach Kristi geburd in dem vierczechenhundertundnewnunddreissigisten jaren an freytag vor Stephanstag als er erfunden ist worden.