Ich Anney, Chunratten des Huebmer zu Ennttaren eleiche hausfraw, ich Margrett ir tochtter, Taman des Pachmair zu Allttenhoff eleiche hausfraw, und ich Katrey auch ir tochtter, Hannsen ycz gesessen an dem Puller auch eleiche hausfraw, ennpiettn dem erwirdigen und geistleichen unserm lieben herrn herrn abbtt Tamann czu Lambach unser gehorsam willig dinst. Wir lassen ewr genad wissen, das wir unsern erbttaill zu Marschalling an dem Ortt und ain drittaill in dem Weinholcz czu chauffn geben haben Hannsenn dem Sneyder im Weinholcz und Katrein, des Seybolcz zu Marschalling gesessen auff dem selbing guett eleichen hausfraw, und Taman in dem Weinholcz. Pitt wir euch obgenante all fur uns und all unser erben und miterben, dafur wir uns angenomen haben, chainer hindangesaczt, treuleich angever, ir wellet in dasselbig leichen und bestatten mit brieff und sigll, als dan ewr und ewrs gotzhaws recht ist. Und wann ir das also getuett, so schultt ir und ewr gotzhaus dez hinfur von uns und unsern erben und miterben ungollttn sein, und dafur wir ew sten. Des czu urchund schikchn wir euch den offen petbrieff, versigelt mit der edln und weisen Hannsen des Anhanger czu Palczing und Seyfriden des Oberhaimer paider auffgedrukchtten insigll, de wir alle vleis darumb gepetten haben, das se irre sygll auff den pettbrieff gedrukcht habent, in und irn erben an schaden, darunder wir uns fur uns und unser erben und miterben verpintten alles das war stett zu haltten, das der brieff inhaltt. Geben nach Kristi gepurdt virczehnhundert jar und in dem newnunddreyssigisten jare an erichttag vor sand Johannstag gotztauffer.