Dem erbirdigen geistleichen herren hern Thaman abt zw Lambach unserm genedigen lieben herren empieten wir ich Helmhart zw Offenhawsen und ich Anna dy Mayrin zw Putreichsperig unser villig dinnst zwvor. Wir tuen ewrn genaden zw wissen, das wir dem edeln vesten ritter hern Joring dem Perkchaymer, frawn Susanna seiner hawsfrau und ir payder eriben verkchauft haben unsrew zway sechstail, so wir gehabt haben ann der hueb zw Offenhawssen im darff, da yczundt unser vetter Helmel aufsiczt und vor zeiten des Weissen gebesen ist, und unser erib von ewrn genaden ist. Pitt wir ewr genad diemuetichleich den kauf pestetten und den prieff sideln, das wellen wir umb ewr genad gern dien. Wann ir das also getan habt, so geloben wir mit unserm trewn in aydesweis furbas in ewr insigel nichcz reden noch sprechen in kchainerlay weis angever. Mitt urkunt des prieffs, den wir ewrn genaden darumb geben, besigelten mit des edeln Wolfgangs des Graperiger aufgedruchten insigel, den wir darumb vleizz gepeten haben, im und all sein eriben an schaden, darunder wir uns verpinten fur uns und all unser eriben alles das war und stet zw halden, das der prieff innhalt, der geben ist am phincztag des heiligen auffertag anno Domini im virundvirczigisten jare.