Nos Rudolfus comes in Werdennberg, frater ordinis militaris Jerosolomitani, baiulinus Branndenburgensis, commendator domus sancti Johannis in Freiburg etc. conmissarius negocii indulgenciarum appostolicarum pro defenssione fidei katholice et insule Rhrodi per sanctissimum domnum nostrum dominum Sixtum papam quartum contra perfidos Turcos per universum orbem motu proprio concessarum specialiter delegatus, dilectis nobis in Christo reverendo patri domino Johanni abbati in Lambach ordinis sancti Benedicti Pataviensis diocesis, Anndree priorr, Wolfganngo seniori, Hainrico, Georgio, Connrado, Michaeli, Pangratio, Johanni, Wolfganngo Glatzinger, Thome, Sigmundo Mulbannger, Sigmundo Leroch, Simoni, Benedicto, Stephanno, Benedicto, Egidio, Martino Mawro, Johanni, Placido, Georgio, Hainrico et Johanni conversis, salutem in domino sempiternam. Prevenit ex vestro devotionis affectu qua ecclesiam Romanam reverendissimi ac vos huic sancte et necesarie expedicioni gratos redditis et liberales, ut peticiones vestras illas presertim que consciencie pacem et anime vestre salutem respiciunt exaudiciones graciam admittamus. Hinc est quod nos vestris devotis supplicacionibus inclinati precipue abbatis pro vobis supplicantis et iuxta decreta literarum apostolicarum se offerenntis, ut aliquem ydoneum et discretum prespiterii secularem vel cuiusvis ordinis regularem in vestrum possitis eligere confessorem sub forma sequenti, abbas dictus ut sibi eligere possit confessorem cuiuscumque ordinis religiosum aut secularem presbiterum ydoneum et discretum, qui confesione vestra diligenter audita pro commissis per vos quibusvis criminibus, excessibus et delictis quantumcumque gravibus et enormibus etiam si talia fuerint, propter que sedes appostolica merito sit consulenda in inieccionis manuum in episcopum vel superiorem ac libertatis ecclesiastice offensionis sew conspiracionis in personam aut statum romani pontificis vel cuiusvis ofensse in obediencie aut rebellionis sedis eiusdem ac presbitericidii casibus dumtaxat exceptis in reservatis semel tantum, in aliis vero non reservatis tociens quociens durante vita vestra fuerit oportunum, debitam absolucionem inpendere et penitenciam salutarem iniungere ac omnium peccatorum tuorum, de quibus corde contriti et ore confessi fueritis, semel in vita et semel in mortis articulo plenariam remissionem et indulgenciam auctoritate apostolica vobis concedere possit. Vota denique omnia ultramarino, sanctorum Petri et Pauli ac sancti Jacobi in Compostella appostolorum nec non castitatis et religionis votis dumtaxat exceptis in alia pietatis opera commutare possit dicta auctoritate, qua per ipius sedis literas suficienti facultate muniti fungimur in hac parte indulgemus. In quorum fidem has nostras literas sigilli nostri appensione munitas fieri iussimus atque mandamus. Datum die duodecima mensis aprilis anno a nativitate Domini mocccclxxxio.

Forma absolucionis in vita indulgenciarum plenarie remissionis: Misereatur tui etc. Dominus noster Jesus Christus per suarum piissimarum misericordiarum te absolvat et ego auctoritate eiusdem ac beatorum Petri et Pauli appostolorum eius ac sanctissimi domini nostri pape michi in hac parte commissa et tibi concessa absolvo te a vinculis excommunicacionis ac aliis censuris ecclesiasticis, si incidisti, ab omnibus quoque peccatis tuis, criminibus, excessibus et delictis, quantumcumque gravibus et enormibus etiam sedi apostolice reservatis iuxta appostolici indulti tenorem inparciendo tibi plenariam remissionem omnium peccatorum tuorum et restituo te gremio et unioni sancte matris eclesie et eiusdem sacramentis in nomine patris et filii et spiritus sancti amenn. Pro simoniacis post punctum ab omni vinculo excommunicationis, addatur: et a simonie labe ac censuris, quas inde incuristi, et dispenso tecum super irregularitatibus inde contractis abolendo a te omnem inhabilitatis et infamie maculam inde secutam. In mortis articulo addatur: et absolvo te ab omnibus penis purgatorii ignis, in quantum claves ecclesie se plenarie extendere possunt, in nomine patris et filii et spiritus sancti amenn. Simoniaci veniere teneatur ad comissarios in hoc fidei negocio constitutos et votorum comutatio fiat in hoc opus fidei.