Maximilian von Gots gnaden Romischer kunig etc.

Getrewer Wir emphelhen dir ernnstlich und wellen, daz du den ersamen geistlichen und unnser lieb andechtign n. den abbt und das convent zu Lambach ir leutt und gutter in der phleg Starhemberg gelegen wider ir und ires gotshaws freyhait privilegia und alt herkomen, der sy in beruwigen besess und gebrauch seinn, nicht beswerest noch des yemannts von deinen wegen zutun gestattest, sonnder sy berublichen dabey beleiben und der gebrauchen und geniessen lassest, daran tust du unnser ernnstliche maynung. Geben zu Augspurg an freitag nach unnser lieben frawen tag purificationis anno domini etc. lxxxxvi^to unnsrer reiche des Romischen im zehennten und des Hungarischen im sechsten jarenn.