Dem erwirdign in got herrn hern Johannsn abbte zu Lambach mein gnedign hern embeut ich Wolfganng, Andreen Mair am Hoff eelicher sun, mein gehorsam dinst bevor. Ich habe dem erbernn Erasmen an der Pekhnmull in Kirchaimer pfarr, Anna seiner eelichen hawsfrawen und allen iren beden erben all und jeglich mein erblich gerechtigkaitn an und auf dem gut, genant die Huttn in Kirchaimer pfarr gelegen allen iren zuegehorungen recht und redlichen verkawfft und ubergeben, die dan e. g. mit dinstn zuegehorig und underworffen sein. E. g. meinen gnedigen herrnn diemuettigklich bitte, welle ine ain gwondlichen kauffbrief mit e. g. innsigl darumben und daruber vertign und besiglnn. So e. g. das getan hat, sodann glob ich und fur all mein erben e. g. und alln e. g. nachkomen in e. g. innsigl und vertigung nit zu reden, hanndln noch thun, sonnder wil das umb e. g. in gehorsam verdienn. Mit urkundt des briefs bevestent mit des obgenantn meins liebn vatern Andreen Mair mit des gunst und willen der kawff bescheen ist hie aufgedrugkhten betschade und umb meiner bete willen bezeugt mit der ersamen weisnn Micheln Heffter und Thaman Schonperger burgern zu Gmunden auch hie aufgedrugkhtnn betschaden, in beden und allen iren erben on schaden. Geben on pfintztag aller kindlein tag anno domini nonagesimooctavo.

Source Fulltext: StiAL, Kopialbücher, HS 21, P. Augustin Rabensteiner OSB: Documenta monasterii Lambacensis Bd. VI, ab anno 1483-1499, S. 545f, Nr. 3447