Dem erwirdign in got und andachtign geistlichn herrn her Johannsn abbte zu Lambach enpewt ich Jorg Krotntaler zu Hueb, ich Barbara, ich Anna, ich Elspecht, ich Margreth, ich Dorothea, ich Ursula, ich Sigmund und ich obgemelter Jorg Krotntaler nym mich an volmechtigen gewalt fur mein swester Magdalene, alle newne leibliche geswistrat und Petern Krotntaler weilent zu Hueb gessessen seligen eeliche kinder, unnser gehorsam willig dinst bevor. Wir fuegen ewren genaden diemutigklich zu wissen, das wir ainhelligklich unnser zwai funfftail, so wir ungeverlich gehabt habm an dem Wallner guetlein zu Puesing mit aller zu gehorung in Gebaltzkircher pfar gelegen in Starhenberger gericht, das dan dinstpars urbar ist ewrer gnadn gotshaws Lambach zu statem ewigen kawff verkawft habm des Erasm Mayrs zu Puesing saligen verlassnen kindern und allen iren erbm umb ain summa gelts, der wir von in schon entricht sein nach unnserm wolgefallen. Darauf bitten wir ewr gnad aintrachtiklich mit allem sonnderm vleis, wellet des yetz benantn Asm Mayrs zu Puesing saligen verlassnen kindern und allen iren ain genuegsamen landtleweffigen kawfbrief daruber verfertign mit ewrem insigl wan ewr gnad das getan hat, so globen und versprechn wir unverschidenlich ewren gnadn fur uns und dafur wir uns annemen all unnser erbm in solh ewr vertigung brief und insigl nicht zu reden vil noch wenig in kainerlay weis angever. Des zu warm urkund schicken wir ewrem gnaden den offen betbrief verfertigt durch unser vleissign gepet willen mit der erbern weisen Wolfgang Hainpuecher an den zeitn ewrer gnadn ambtman, und Hanns Stegmayr zu Kirchdorf baider aufgedrucktn petschadt, doch in iren erbm an schaden und unvergriffn ewren gnadn an ewrn dinstn vordrung und rechten in allen sachn, darunder wir uns obgemelte geswistrat und dafur wir uns angenomen habm fur all unser erbm verpintn mit unnsern trewen aidesstat alles das war und stat zu haltn inhalt der betzetl. Zewgnus der sachen und der gepet umb dy gegenwurtigen zway petschadt sind dy erbern Lienhart Hinderholtzer, purger zu Wolfsegkh, Sigmund Altenhofer, Asm auf dem Pachmansperg und mer frumer lewtt genueg. Geschehen an montag vor Anthonii nach Criste geburde vierzehenhundert und in dem achtundnewnntzigistn jarnn.

Source Fulltext: StiAL, Kopialbücher, HS 21, P. Augustin Rabensteiner OSB: Documenta monasterii Lambacensis Bd. VI, ab anno 1483-1499, S. 546f, Nr. 3448