Dem edln und vestn Kilian Leroch am Stadl unsrm genadigen herren enpietten wir ich Elspet des Petern Smedlmair saligen witib, und ich Khuencz, ich Michel, ich Steffan, ich Cristoff, ich Gorig, ich Rueprecht, ich Barbara und ich Magdaln, alle geswistret der obgemeltn Elspetn und des Petern Smedlmair saligen kinder fur uns, unser eribm und anstat Lienharttn und Dorothe unsers steuffbrueder Petern Smedlhoffer saligen kinder, die nicht vopper sein, dafur wir uns angenomen haben und fur all unser eribm, und ich Wolfgang Statzner nym mich auch an fur die benantn unfoppern kinder als ain nagstter fraundt vaterhalbm und fur all ir eribm, unser villig dienst zuvor. Fuegn ew zubissn, das ich Hanns der jung Smedlmair, unser lieber sun brueder und vetter mit uns auch anstat der unvoppern kinder auff ain statz ende gerichtt und geaint hat umb all unser zuespruch, eribschaft, vodrung und gerechttikait, so wir bey im in anlikgundm und varundm guet und sunder an und auff dem hoff genant der Smedlhoff seiner zuegehorung in Kirichperger pfar gelegn, der ewr vesttikait zuegehort und dienstper ist an paumans gerechttikait umb vermacht endlichs vaterlichs und mueterlichs erib gehabt habm und uns ain sum dafur herdann gegebn, der wir zalt sein zu rechtter zeit an schadn, als ewr vesttikait mit mer worttn an ainem verzeichbrieff von uns darumbn ausgeund vernemen wirdet. Bittn wir ew in fleis, wellet im und sein eribm denselben verzeichbrieff mit ewr vesttikait anhangundn insigill verttigen und bestattn, darauff so gelobn und versprechn wir ew fur uns, unser eribm auch anstat der unfoppern kinder, aller ir eribm aids weis nichtz dabider zu redn noch zu handln in kainer weis, sunder stat halttn und umb ew verdienn. Mit urkundt des petbriefs umb unser fleissiger bet willn mit der edln und vesttn Ulrichn Sebacher zu Krembsekg und Benedic Haydm zu Darff baider aufgedrukhttn petschadn bevesttent, in und irn eribm an schadn. Gebm am montag nach dem sunttag invocavit in der vasttn, do man zalt von der gepurt Cristi viertzehenhundert darnach im acht und neuntzkgisttn jar.

Source Fulltext: StiAL, Kopialbücher, HS 21, P. Augustin Rabensteiner OSB: Documenta monasterii Lambacensis Bd. VI, ab anno 1483-1499, S. 552f, Nr. 3453