Geroldus miseracione divina Prepositus Ecclesie in Richersperg una cum Conventu eiusdem loci omnibus presentem literam inspecturis oraciones in Domino Jhesu Christo. Vt ea, que sub tempore geruntur, non simul cum temporibus, ut plerumque accidere solet, dilabantur, debemus illa, que perhennari cupimus, literarum muniminibus stabilire. Hinc pateat universis, quod Dominus Hugo de Sauersteten ministerialis Pataviens. Ecclesie quasdam possessiones Ecclesie nostre tradidit et donavit tali condicione, quod de cetero singulis Sabbatis diebus Missam de beata Virgine in Capella ipsius beate Virginis et post obitum suum eandem Missam in Sabbato et insuper Missam Defunctorum qualibet secunda feria pro sua et suorum parentum salute ammodo celebremus. Preterea in anniversario iam dicti Domini Hugonis et fratribus et dominabus prebenda detur solita. Et insuper pro speciali consolacione annis singulis pro vino ad coquinam pro huiusmodi necessariis de redditibus infra scriptis, quos eidem dedit Ecclesie, dabitur a Preposito, qui tunc fuerit, una libra. Ad predicta igitur omnia facienda firmiterque tenenda et nos et successores nostros tenore presencium obligamus. Possessiones autem, quas prefatus Dominus Hugo tradidit Reicherspergensi Ecclesie, iste sunt: in Wirting due dimidie Hube, item molendinum in Ach, navalis transitus in Ach, item predium in Ach, item duo feuda in Uriheim, item Huba in Aspach. Insuper Ecclesie nostre tradidit has personas: Walbruner Alheidem cornicem cum pueris suis. In cuius rei testimonium pro cautela presentem paginam sigiilo venerabilis in Christo Patris Domini nostri Ottonis Pataviens. Episcopi et sigillo Prepositi prelibati et Conventus ac eciam Domini Hugonis supra memorati sigillo placuit communire cum testibus subnotatis, qui sunt Purchardus Marchio de Burgawe Canonicus Ecclesie Pataviens. Dominus Hainricus de Merswanch, Heinricus de Aheim et Heinricus filius eiusdem, Richkerus de Rotawe, Hainricus de Eigling, Fridericus de Sigenhaim, Vlricus de Antesenperg, Grifo de Albrechzheim, Rudgerus Gaulo, Dom. Hiltprandus de Asenhaim, Chunradus de Geinperg, Hainricus de Odenwisen, Sikerus Leutoldus de Ailing, Eberhardus de Varnhtenpach, Chunradus de Mulheim, Chunradus de Drechselheim et Otto frater eius, Wernhardus de Talheim, Leutoldus de Talhaim, Chunradus de Zwisilperch, Chunradus de Elreiching, Wernherus de Weinperge et alii quam plures, quorum nomina non sunt scripta. Anno Dom. M. CC. LXII. nonis Kal. intrante Maio, Indict. quinta. Mon. boic. IV. 453.

Source Fulltext: OÖUB 3 (Wien 1862) Nr. 304, S. 285-286