In nomine Domini Amen. Anno domini 1309. Indict. 7. in prima vespera beati Viti Martiris Nos Gotschcalcus Dei gratia Prepositus et Archidiaconus Ecdesie Chiemensis el Hainricus de Chirchsteig Can. Ecclesie Matticensis necnon Plebanus in Celle et Magister Oll de Prien, Vlricus Chrezelius, D. Johan et Ortolfus dictus Zaizringen Arbitri electi concorditer a legitimis et veris procuratoribus Ecclesie Richensperg et Ecclesie in Rot habentibus etiam ad hoc speciale mandatum super tribus capitulis, que Conventus et Prepositus Reichenspergensis coram sancte Salzburgensis Ecclesie Venerabili Decano videlicet Domino Wich, auctoritate sedis Apostolice in iure preponere intendebant super his tribus capitulis subnotatis, sententiam arbitrii legitime et omni pravitate voce unanimi tanquam veri arbitri arbitrando pronunciamus sub hac forma, super primo videlicet capitulo, quod omnes homines utriusque sexus tam Ecclesie Rotensis quam Eeclesie Reichenspergensis matrimonialiter invicem contrahere possint et debeant nullam propter hoc a suis Dominis et Ecclesiis penam, molestiam vel inhibitionem quamlibet habituri, ita tamen, quod predicte Ecclesie in pueris suorum hominum ita contrahentium debeant facere divisionem et adoptionem equalem nullo colore sinistro vel fraude penitus mediante. Super secundo capitulo videlicet quod pratum unum situm prope Herfurt, quod est Ecclesie Rotensis, eque longum et eque latum pro prato, quod est situm in medio istius prati quod Pvvlicz dicitur, quod est Ecelesie Reichenspergensis, Ecclesia Rotensis Ecclesie Reichenspergensi in via permutationis et concambii ex nunc debeat elargire. Super tertio et ultimo capitulo, videlicet super una quadam communi pascua, ut dicebatur tam Ecclesie Reichensperg tam Ecclesie Rotensi nos videntes examinato negotio pro possibilitate nostra Ecclesiam Reichenspergensem nullo titulo habere ius in tali pascua, super quam etiam Ecclesiara Rotensem iam multis annis occupavit, Ecclesiam Rotensem communi nostro voto auctoritate nobis tradita per legitimos et veros procuratores utriusque Ecclesie et iudicium a sede apostolica ad has causas delegatum, absolvimus, ut debebamus ab impeticione Ecclesie Reichenspergensis Ecclesie Rotensi facta vel facienda super hac pascua Reicbenspergensi Ecclesie super hac inpeticione perpetuum silentium imponentes. Et ut hoc nostrum arbitrium legitime latum firmum et inconcussum perseveret, ipsum volumus esse vallatum pena, quam instrumenta arbitrii representant, et in maiorem certitudinem nostrum volumus arbitrium sigillo utriusque Ecclesie tam Rotensis quam Reichenspergensis necnon sigillo Domini Gotschalci Prepositi et Archidiaconi Chimensis nostri coarbitri roborari.

Source Fulltext: OÖUB 5 (Wien 1868) Nr. 20, S. 23-24