Wir Hainrich von Gots Genaden Pfallentzgraf ze Reyn und Hertzog in Beyern enpieten unsern Purgrafen ze Scherding, der yezn da ist oder fürbatz da wirt, unser Huld. Es was ein böse Gwanhait aufkömen, das man ab den La˜wten, die das Gotzhaus ze Reichersperg angehörnt, Nachtfeld Habern gen Scherding nam, da schueffen wir mit dem iungen Mawtter, der dieweil unser Purgraf da was, er solt sich darumb erfaren, wer es recht, so solt er den Habern nemen, wer es aber nit recht, so solt er davon lassen, der het davon lassen; wollen wir und gepieten dir, das du denselben Nachtfeld Habern auch nit nemest und die Läwt darumb nicht lassest beswären, des wellen wir nicht entperen. Der Brief ist geben ze Lantzhuet anno trecentesimo vigesimo nono an sand Alexi Tag.

Source Fulltext: OÖUB 5 (Wien 1868) Nr. 545, S. 545