Fridericus dei gratia Romanorum Rex semper augustus ad Vniuersorum noticiam presentibus cupimus peruenire, quod Honorabiles et Religiosi uiri Hermannus Prepositus et Capitulum in Reichersperg deuoti nostri dilecti nostram accesserunt presenciam humiliter et deuote supplicantes, quatenus instrumentum uel privilegium ipsis ab Inclite memorie Domino Alberto tunc Duce Austrie et Styrie patre et predecessore nostro dilecto super iuribus suis datum de benignitate nostra regia innouare et confirmare dignaremur, cuius quidem priuilegii (tenor) de verbo ad verbum talis est: Albertus etc., wie am 17. März 1287.||
Nos uero eorum deuotis supplicacionibus jnclinati ipsis eadem iura et libertates suprascriptas de speciali gracia innouamus et presentis scripti patrocinio confirmamus. Nulli ergo hominum liceat hanc nostram innouacionem et confirmacionem infringere vel ei ausv temerario contraire, quod si quis secus fecerit, se nostram grauem vlcionem nouerit incursurum. In cuius rei testimonium presentes litteras nostre maiestatis Sigillo fecimus roborari. Datum in Gretz in die sancti Kalixti pape Anno domini Millesimo Trecentesimo vicesimo nono, Regni uero nostri Anno quinto decimo.

Source Fulltext: OÖUB 5 (Wien 1868) Nr. 557, S. 556