Ich Otakcher der Scholichaimer vnd mein erben veriehen offenbar mit disem brief allen den die in lesen oder horent lesen, daz herre Dietmar, probst ze Reich(ersperg) ze den zeiten vnd der conuentt daselben einen brief, der mir von dem selben gotzhaws stund, sybentzehen phunt Pazzawer phenning gelost hat vnd erlost gantz vnd gar mit frewntleicher schied vmb zehen phunt pfenning Passauer mu^enzze, der er mich vnd mein erben gar vnd gantz gericht vnd gewert hat, daz ich oder mein erben fu^erbaz niohtz ze vodern noch ze sprechen han an den vorgenanten herrn Dietmaren, den probst, noch an den conuent. Vnd daru^eber ze vrchund gib ich in disen brief besigelten vnder meinem insigel. Der geben ist nach Kristes gepurd drewczehen hundert jar, darnach in dem siben vnd viertzkistem jar, an sand Gorigentag.

Source Fulltext: OÖUB 7 (Wien 1876) Nr. 15, S. 15