Ich Lucay meiner frawn fraw Annen der Preysingerin saeliger junchfraw vergich offenlich — das mir mein lieber herr her Fridrich von Rotaw sein hausfraw vnd ir eriben durch die besvnder genad di si lang zeit her zu mir gehabt habent, die zwai hof der aine lait datz Vnser Fraunperig der ander datz Innchofen, verliehen vnd gegeben habent mein lebtag also, swan Got vber mich gepevnt vnd ich nicht lenger sol! sein vnd tot bin, so sind die oben genanten hof payd gaentzleich ledig vnd los von mir vnd von allen meinen frevnten vnd vor allen lauten an alle ansprach ledig worden meinen oben genanten herren vnd seinen eriben—. Vnd dez ze vrchund gib ich in den brief vnder meines lieben herren herrn Albrecht dez Puchbergers anhangunden insigel — —. Der geben ist — drewzehen hundert iar darnach in dem newn vnd fvmftzigstem iar dez eritags nach Nyclotag.

Source Fulltext: OÖUB 7 (Wien 1876) Nr. 667, S. 677