Ich Hainreich der Stainpekch vnd mein hausfraw Agnes veriehen offenbar, — daz vns der erbaerig her probst Dietmar ze Reichersperig vnd der conuent daselben lazzen habent den hof ze Weidaech, den emalen Hainreich der Tu^eschel inn hat gehabt, zu meinen vorgenanten Hainreich vnd meiner hausfrawn Agnesen vnd Jansen vnser paid sun dem eltisten also genant zu vnsern drein leiben mit der beschaiden, daz wir in darvmb ledig haben lazzen vnsern hof ze Ort der vnser leibgeding was. Darzu schu^ellen wier in iaerchleich dienen — an sand Jacobstag ein halbs phunt phenning. Taeten wir des nicht, so sol ir anwalt darvmb pfenten. wurd in daz gewert oder verstanden, so haben wir all vnsrew recht verloren. Wir schullen auch vnsre recht weder versetzen noch verchauffen nur mit irm gueten willen. — Vnd daz in daz also staet vnd vntzehrochen beleib, gib ich in disen brief mit meinem insigel vnd mit Hainreich dez Mezzenpekchen anhangunden insigeln —. Vnd ist daz geschehen — drewzehen hundert iar darnach in dem sechtzigisten iar an sand Elspetentag.

Source Fulltext: OÖUB 7 (Wien 1876) Nr. 726, S. 729f.