Ich Heinreich der Freyer und mein hausfraw vraw Gedrawt verichen, daz wir von dem erbern herren hern Dietmarn probst ze Reichersperg und von dem convent daselb gewarmen und gechauft haben di hoef ze Gurten zu rechtem leibgeding zu unser paider tagen umb sibentzig pfunt pfennig wienner muenzz der wir sew gantz und gar gewert und gericht haben, und schuellen in auch da von dienen ze urchund der aygenschaft ain halbs pfunt pfennig auf sand Michels tag wienner muenzz jarleich. Wir schullen auch unserew recht weder versetzen noch verchauffen wir schulen sew si dez ersten anpieten, mo^echten si dew nicht belangen so mugen wir unserew recht versetzen oder verchauffen mit ir haut einem gleichen mann wem wir wellen. Und wenn wir ich vorgenanter Hainrich der Freyer und mein hausfraw vrau Gedrawt nicht mer sein, so sind in di vorgenanten ho^ef loz und ledig alz man sew dann vint ze haus ze haltz und ze veld. Daz in daz also sta^et und unzebrochen beleib gib ich in vorgenanter Hainrich der Freyer den prief versigelten mit meinem anhangundem insigel. Der prief ist geben da man zalt von Christes gepurd drewtzehenhundert jar darnach in dem sex und sechtzigistem jar an unser frawn tag ze liechtmezz.

Source Fulltext: OÖUB 8 (Wien 1883) Nr. 264, S. 263f.