Ich Hainreich der Lengower vergich, daz ich han bestanden ze pawmansrecht von dem erbern herren hern Dietmarn probst ze Reichersperg sein und seines gotzhaus hof ze Warmhering (sic) mit solicher beschaiden, daz ich in stiftleich und paewleich legen und inn haben schol, und schol im den auch verstewern und verdienen ja^erleichen alz ich stat und genad an im vinden mag. Wa^er aber daz sich daz fu^egt, daz er oder wer dez gotzhaus verwesa^er wa^er mir den vor genanten hof mo^echten oder wolten nicht lenger lazzen, so schol ich in antwurten an allew irrung und widerred, und schol in auch richten mit sam und mit ardhew und mit aller richtung di dar zue geho^ert alz lantz recht ist. Und zu urchund gib ich den prief versigelt under dez erbern mans Philippes des Eitzinger anhangendem insigel, der daz durich meiner fleizzigen pet willen daran geleit hat wann ich selb aygens insigel nicht enhan. Der prief ist geben nach Christes gepurd dreutzehenhundert jar darnach in dem newn und sechtzigistem jar an sand Silvester tag dez heiligen pabst.

Source Fulltext: OÖUB 8 (Wien 1883) Nr. 451, S. 445