Ich Graf Yban von Pernstain tuen chund mit disem brief umb den zehent ze Aspang den ich bestannden han von dem Erwirdigen Herren dem Probst ze Reichersperg vmb sechzehen pfunt wyenner pfenig, der ich in gericht vnd gewert han, das ich denselben zehent sol inne haben mit allen den nüczen vnd rechten die darczue gehörnt von hinn hincz auf vnser frawn tag ze der liechtmesse vnd nach demselben tag so sol der obgenant zehent ze Aspange dem Goczhaws wider ledig sein vnd sol ich noch mein erben fürbas dhain recht mer darauf gehen (sic!) weder vil noch wenig. Mit vrchund des briefs versigelt mit meinem aufgedrukchtem Insigl. Geben nach kristi gepurd drewczehn hunndert jar dar nach in dem sechs vnd Sibenczigistem Jar an dem Suntag vor sand Servacy tag.

Source Fulltext: OÖUB 9 (Wien 1906) S. 81