Ich Ha^essk von Walperspach, mein hausfraw vnd all vnser erben veriehen —, daz wir haben gewariven vnd bestanden von dem erbern herrn hern Dietmarn probst ze Reichersperg vnd von dem Gotzhaus da selben irn zehent ze Stalhof chlainen vnd grozzen, alz er von alter her cho^emen ist ze ferlust vnd ze gwing von hinn v^entzt auf di Liechtmess di schirst chümt vnd darnach vber ain jar also di zwen nu^etz vmb zway vnd dreissik pfunt pfennig wienner münzz an den leytchauf der wir sew gar vnd gantz gewert vnd gericht haben mit söliher beschaiden, swenn sich di vor verschriben vrist verget vnd verlauft, so haben wir fürbaz nichtz mer dar auf ze sprechen weder wenig noch vil, vnd mu^egen den fu^erbaz lazzen mit vnserm gu^etleichen willen wem si wellent. Mit vrchund dez priefs, den ich vorgenanter Hässk von Walperspach dar vmb gegeben han versigelten mit meinem anhangunden insigel nach Christes gepu^erd dreutzehen hundert iar, dar nach in dem Siben vnd Sibentzkistem iar an sand Pangratij tag.

Source Fulltext: OÖUB 9 (Wien 1906) S. 257