Wir Albrecht vnd Leupolt gebru^oder von Göts gnaden herczogen ze Österreich, ze Steyr, ze Kernden vnd ze Krain, Grafen ze Tyrol etc. embieten den erbern vnd gaistlichen . . dem probst vnd dem conuent ze Reichersperg unsern gru^os vnd alles gu^ot. Als wir ew vor gebetten haben, Bitten wir aber mit ganczem fleizz vnd ernst, daz ir ewern zehend in Püttner pharr, den Hask iczund hat, herr leihet vnd hinlazzet vnserm getrewn lieben Vlreichen von Pergow vnserm hofrichter, der wil ewch oder ewern phleger schon richten, was er ewch davon geben sol. Vnd als du vorgenant probst vns nü nechst embütt, du wellest herab zu^e vns körnen von deiner gebresten, das geuellet vns wol vnd wellen ewch vnd ewer goczhaws gern darinn bedenken, Davon getrawn wir ewch wol, ir verczeihet vns der egenant bett nicht. Geben ze Wienn an mentag nach sand pangratien tag anno LXXVIIJ.||
L.(eupoldus) plebanus Medlicensis. Jo(hannes) de Tyrna.

Source Fulltext: OÖUB 9 (Wien 1906) S. 440