Wir Albrecht von Gotes gnaden herczog ze Österreich ze Steyr ze Kernden vnd ze Krain herr auf der Windischen Marich vnd ze Porttenaw graf ze Habspurch ze Tyrol ze Phirt vnd ze Kyburg marggraf ze Bürgaw vnd lantgraf ze Elsazz bekennen vnd tun kunt offenlich mit disem brief, daz fur uns chomen die erbern geistlichen vnser lieben andechtigen Dyetmar probst vnd das capitel des goczhauses von Reichersperg regler korherren sand Augustins orden Bazzawer bystums vnt trugen vns für ein hantfest in latein geschriben, die in weilent vnser lieber herr vnd ene kunig Albrecht seliger gedechtnuss, die zeit vnd er dennoch herczog in Österreich waz, gegebn hat vnd die in auch vnser lieber bruder herczog Rudolf selig mit seiner hantvest hat bestett, vnd baten vns dyemutiklich, daz wir in dieselbn hantfest zu teutsch bringen hiessen vnd auch die vernewen vnd bestetten geruchten, dieselben hantfesten geschriben in latein lautend in teutsch von wort ze wort also||
||
1362 Oktober 27, Wien.||
Herzog Rudolf bestätigt dem Propst Dyetmar folgende Urkunde:||
||
1287 März 17.||
Herzog Albrecht bestätigt dem Kloster Reichersberg die diesem von Herzog Leopold verliehene Mautfreiheit.||
Nun sein wir obgenanter herczog Albrecht zu demselbn probst vnd seinem capitel vnd zu irr pete auch gunstickleich genaiget vnd haben durch Got lautterleich die vorgenant hantfest, alz si von wort ze wort da oben geschriben vnd begriffen ist, bestettet vnd vernewet, bestetten vnd vernewn si auch wissentlich mit craft dicz briefs vnd wellen, daz si mit allen punden vnd artikeln, so darinne verschriben vnd begriffen sind, stet vnd vest gehalten werde ewiclich. Darumb gebieten wir allen vnsern hauptleutn herren rittern vnd knechten purggrafen richtern mauttern zollnern vnd allen andern vnsern amptleuten vnd vndertanen, daz si die vorgenant geistlichen lewt von Reichersperg bei den vorgenant gnaden vnd freyungen beleiben lassen vnd dawider nicht tun in dhainen weg. Wer aber dawider tete, dazs wer genczlich wider vns vnd wolten den auch gar swerlich darumb pezzern. Vnd des ze vrkund vnd ewiger geczeugnusse hiezzen wir vnser grozz fürstlich jnsigel henkchen an disen brief, der geben ist ze Pazzaw an Mentag vor sand Agnesentag. Nach Krists geburd drewtzchen hundert iar darnach in dem drew vnd achzigisten jare||
Dominus dux per dominum Berchtoldum Frisingensem episcopum cancellarium.

Source Fulltext: OÖUB 10 (Wien 1933) S. 156-157