Ich Hainreich der Stainpekch, di zeit dez erbern herren hern Neytzen von Chunring pfleger zw Dobrach auf dem Champ, vergich offenbar mit dem brief allen läwten, daz ich daz gut genant di Erleinöd, gelegen bei dem Höhenschachn in Schärdinger gerichtt, daz mein rechtz lehn ist von dem gotzhaws zw Reichersperig, daz han ich ze lehn genomen von dem erwirdigen geistleichn herren hern Greyffen probst daselbs ze Reichersperig, vnd wem ich daz fürbas verseczen oder verchawffen wolt, dem sol ich zaign zw dem vorgenanten gotzhaws, von dem ich ez vnd mein eribn ze rechtem lehen habn, vnd di lehen hab ich genomen vnd emphangen von dem vorgenanten herren hern Greyffen, da ich inn ward, daz er erst probst waz wordn ze Reichersperig, nach Christz gepurd drewtzehen hundert iar und in dem sechs und achczgistem iar an sand Bartholomeus tag, ze urchund mit meinem anhangundem insigel besigelt.

Source Fulltext: OÖUB 10 (Wien 1933) S. 389