Wir Johanns Lantgrave zum Lewthenberg und grave zu Halls bekennen mit dem brief, als der erwirdig fürste und her Görge bischof zue Pazzaw und der wirdig her Griffo probst zu Reichersperg beider seitt der sachen umb die päbstleich stewr, di der obgenant unser her von Pazzaw von dem egenanten probst und dem chloster zu Reichersperg maint zu haben, ganzleich bey uns beliben sein zwischen ir darumb auszuesprechen und wann derselb probst und das closter Reichersperig manigerlay zuegriff und anvell in kurzer zeit geliten hat und noch tägleich irrung und beswärnuzz hat, darumb so haben wir das angesehen und doch merkleich gedacht, also das wir sprechen, das der egenant probst und das kloster zu Reichersperig von wegen der päbstleichen stewr unserm obgenanten heren von Pazzaw geben und antwurtten sullen funfzik pfunt gueter Wienner pfening auf unser lieben Frauentag assumptionis nächstkunftigen oder münzz, die dann gib und gabe dafür ist und wirdet, angeverd. Geben mit unserm aufgedrukchten insigel feria quinta post Invencionem sancte Crucis anno millesimo nonagesimo sexto.

Source Fulltext: OÖUB 11 (Wien 1983) S. 504-505