In nomine sancte et indiuidue trinitatis. Chvonradus diuina fauente gratia patauiensis ecclesie episcopus cunctis successoribus suis et omnibus christi fidelibus in perpetuum. Pastoralis officii debitum efficacius nos credimus exequi, si religiosorum uirorum indigentiam temporalia subsidia largiendo paterna curamus prouisione releuare et ab aliis pia deuotione ecclesiis donata auctoritate nobis a deo collata pro pace et quiete ecclesiarum eisdem satagimus confirmare, ut qui per nos ipsos propter temporalium actionem frequentes tumultus diuinis ministeriis sedulitate, qua deceret, insistere non ualemus, eorum, quos ope nostra iuuamus, orationes et ministerium temporali nobis beneficio comparemus. Hac igitur consideratione inducti de consensu et fauore fratrum nostrorum Patauiensis chori kathedralium et aliorum fidelium nostrorum ecclesie, que domus sancti Floriani dicitur, que etiam patauiensis ecclesie filia est specialis, legitima donatione conferimus ecclesiam in Waldarn cum aduentiis suis uniuersis ad supplementum indumentorum fratrum ibidem deo militantium. Confirmamus preterea memorate ecclesie omnes donationes ab antecessoribus nostris episcopis eidem legitime factas et specialiter ecclesiam sancte Marie iuxta riuulum, qui Palsentze dicitur, sitam, que etiam ad cameram predictorum fratrum dinoscitur pertinere. Vt autem hec nostra donatio necnon et confirmatio futuris temporibus futuris temporibus (sic) perpetua firmitate rata et inconuulsa permaneat, hanc inde paginam conscribi et sigilli nostri impressione iussimus insigniri inprecantes sub adtestatione diuini iudicii, ut si quis qualibet temeritate contra factum nostrum aliquid adtemptare presumpserit, omnipotentis dei indignationem incurrat et perpetue maledictioni subiaceat. Huius rei testes sunt Chalhohus prepositus, Rvobertus decanus, Heinricus scolasticus, Gerboto archiprespiter, Jacobus archydiaconus, Otto capellanus, Pilgrimus, Vodalricus, Fridericus, Albertus, Albero, Fridericus canonici. Ex nobilibus Gebhardus comes de viehtinsteine, Albertus comes de Rebegawe, Heinricus de Julbach, Engilshalcus de vra. Ex ministerialibus Marquardus de wesin, Engilbertus de strebin, Hartmvot pincerna, Adalbertus camerarius, Walchunus iudex, Rvodolfus de Perchaimen, Waltherus de Glaneke et alii quam plures, quorum nomina non sunt adnotata. Acta sunt hec in Patauia Anno ab incarnatione domini MCLI. Indictione XIII. VII. kalendas Augusti Anno pontificatus nostri VIIII. Regnante Chvonrado rege Anno regni sui V. feliciter. amen.

Source Fulltext: OÖUB 2 (Wien 1856) S. 260-261