Charter: Urkunden (900-1797) 1221 V 11
Signature: 1221 V 11
Add bookmark
Edit charter (old editor)
11. Mai 1221, Burg Wessenberch (heute?)
Nachträglicher Vertrag zwischen dem Kloster St. Florian und Dietmar von Alhalmdorf wegen eines Gutes in Pösenbach, welches dieser bereits bei seinem Zuge ins heilige Land an jenes gegeben hatte.Source Regest: OÖUB 2 (Wien 1856) S. 630
Current repository:
Stiftsarchiv St. Florian (www.stift-st-florian.at)
Stiftsarchiv St. Florian (www.stift-st-florian.at)
Mit Siegel. Material: Pergament
In nomine patris et filii et spiritus sancti amen. Ego Altmannvs prepositus cum uniuersitate capituli S. floriani vniuersis christi fidelibus salutem in eo, sine quo nichil salubriter possidetur. Notum facimus tam presentibus quam futuris, quod Ditmarus miles de Alhalmdorf in terre sancte subsidium profecturus, cum non haberet liberos, iure proprio uendidit et tradidit ecclesie S. floriani pro libris XIII predium suum in Poesenbach situm iuxta curiam decimalem. Qui etiam reuersus a terra sancta, postquam nati fuissent sibi filii IIII. Wernhardus, Marqvardus, Ditmarus, Heinricus et ad etatem legitimam peruenissent, licet ex superhabundanti tamen ad sufficientem cautelam procurauit, quod et filii ratam habuerint eandem uenditionem et renuntiauerint omni iuri, quod posset facere pro eis in predio supradicto et ipsi pariter cum patre promiserint sub sacramento, quod coheredes suos, quos habuerint tunc seu etiam habituri essent, ad idem faciendum inducerent cum effectu Adicientes ad ampliorem cautelam, quod siue pater per se siue filiorum suorum aliquis contra emptionem dictam aliquando uenire adtemptaret, ab ecclesia S.floriani redimeret pro libris XXX predium supradictum. Nos etiam prepositus uidelicet et capitulum concessimus eidem Ditmaro predium in Chogil sub annua pensione denariorum LX. quoad uixerit, ita ut transferendi ad heredes seu etiam aliquo modo alienandi nullam habeat potestatem, sed post mortem ipsius ad dominivm et usum ecclesie reuertatur. Ne autem res in dubium reuocari possit, in rei geste memoriam hoc scriptum sigilli nostri appositione firmauimus, testibus, in quorum hec omnia facta sunt presentia, subnotatis. Testes Chunradus de perndorf, Wernherus de Chuninperge, Chunradus dapifer, Helmwicvs de Muosporze, Marqvardus gener wernheri. De chogil, Richerus decimator, Heinricus preco, Meingodus quondam camerarius, Fridericus camerarius, Ortolfus vol, Walchunus de hovesteten, Otto seruiens prepositi, Chunradus seruiens plebani de S. Maria, Chunradus geyer. Acta sunt Anno incarnationis domini M.CC.XXI. V. Idus Maii. Ante castrum Wessenberch.
Source Fulltext: OÖUB 2 (Wien 1856) S. 630-631
Original dating clause: V. Idus Maii
Language:
Places
- Burg Wessenberch (heute?)
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}