In nomine patris et filii et Spiritus sancti. Chv^ono dei gratia prepositus et Capitulum in Rycherspergae (sic) vniuersis christi fidelibus in perpetuum. Quoniam de iuris equitate possessiones ecclesiarum in eo casu licite possunt alienari, ut utiliora prouideantur, vniuersis christi fidelibus hanc paginam inspecturis presentium testimonio declaramus, quod cum haberemus predium in Prantstaeten situm uicinum ecclesie, que dicitur domus sancti ffloriani, et nobis remotum, vniuersitas nostra cum fratribus iam dicte domus diligenti deliberatione prehabita post frequentes tractatus ad hoc tandem habito vniversitatis consensu conmuniter conuenit, quod predictum predium videlicet in Prantstaeten mediante domino Bernhardo venerabili preposito domus S. Floriani fratribus ipsius domus titulo emptionis uendidimus pro certa summa pecunie videlicet pro Ix libris wiennensis monete, quas ab ipsis pro conmutatione dicti predii recepimus certam habentes confidentiam, quod per illam pecuniam domino adiuuante ecclesie nostre utiliora predia conquiramus. Vt autem factum nostrum posteritatis conmendetur memorie et super eo omnis materia litigandi in posterum efficaciter conquiescat, ad perpetuum memoriale hanc paginam de vniuersitatis nostre conmuni consensu conscriptam et sigilli nostri inpressione munitam super uenditione prefata predictis fratribus videlicet conuentui in domo S. Floriani cum testimonio presentium tradidimus. Huius rei testes sunt Otaker de lapide et Rudgerus officialis eius, Herbort de dvrstelpergae, Rudolfus alban, Chv^onrat prvkkslegil, Livpoldus et Herwicus de pircharn decimatores, Walcho^vn de Hofsteten, Otto de Katern, Mengoz hirtel, Walchvn de S. Johanne, Maeingoz gastmaeister, Chunradus et Otto filii Gerwici, Walther cocus, Vlricus de Monte, Wergandus, Heinricus vultur, Rapoto seruus plebani, Herman de Prantstaetaen et alii quam plures,||
Datum Anno ab incarnatione domini M°CC°XXXmo Vto Xiii kalendas februarii Indictione VIII.

Source Fulltext: OÖUB 3 (Wien 1862) S. 26-27, Nr. 23