In nomine patris et filii et spiritus sancti Rugerus Piber judex ducis Austrie in Winnberge omnibns christi fidelibus amen. Vniuersis hanc paginam inspecturis presencium testimonio innotescat, quod prepositus de domo sancti Floriani nomine Ecclesie sue in judicio querimoniam mouit de domina Mathilda filia Wernheri Gogel, quod iniuste detineret res Ecclesie sue videlicet predium in houesteten, molendinum in Waldehouen et decimas de IIIIuor. domibus. ad hec iam dicta M. respondit, quod ea, que prepositus petebat, pater eius sibi et heredibus suis sufficienti reconpensacione ecclesie exhibita inpetrauit ab ipsa Ecclesia obtinenda et hoc ydoneis testibus dicebet se posse probare. Proposuit preterea contra prepositum, quod indebite detineret quoddam predium ipsius situm in loco, qui pratum dicitur, et quod donacio, quam patruus suus Hartmans plebanus de neunchirichen de eodem predio ecclesie fecerat patre ipsius M. presente et consenciente, inualida erat, quia dictus plebanus illud predium cum aliis matri sue et suis heredibus, quos de fratre susciperet, prius legittime contulerat, et quod dictum predium per manus legittimi delegatoris ecclesie traditum non fuerat. Tandem vero bonis et prudentibus uiris mediantibus prepositus et predicta domina sub tali forma ad pacificam conposicionem conuenerunt, quod prepositus concessit illi predium et molendinum et decimas, de quibus privs ipsam inpecierat, ad annuam pensionem VII. solidorum in festo sancti Martini soluendorum ad tempus uite sue tantummodo tenenda et ut illa in predio, quod patruus eius ecclesie donauerat, per manum delegatoris nomine Rudberti de Haimdorf iuri suo publice renunciauit. Huius rei testes sunt Arnoldus de Rotenekke, Fridericus de Tobel, Marquardus de Grube et filius eius Wo^elfel, Fridericus de Gru^ebe, Vlricus de furholzz, Syboto de ydungsperge, Chunradus de awe, Chunradus de Perndorf et filius eius Cholo, Wernhardus de Alhamstorf, Chunradus de sancto Johanne, Wernhardus de Grube, Walther de Liechtenperch, wernhart de Prampach, Heinricus de biberstain, vlricus de Lobenstain, vlricus de Harthaim, wernhardus de Hage, Leutolt pru^eschinkch, Marquardus de waigerlaiten, Ru^epertus liber de Haimdorf, Rupertus de sancto Martino, Durinch de rute et tres filii eius Heinricus, Rupertus. Syboto, Wernhardus de Chophinge, Dietwein de Lantzhab, Seyfrid de stainpach, Hainricus de Reichensperge, Richerus decimator, Dietericus de Schefau, vlricus gener eius, Chunradus villicus de sancto Petro, Hainricus wenagel, Pra^entelo, Dietmar, Otto, Meingoldus, Hainricus, Pernhart.

Source Fulltext: OÖUB 4 (Wien 1867) S. 364-365, Nr. 392