Qvia quod scitur a pluribus, contradiccionis obstaculum facile non admittit, proinde Ego Ludwicus Lintzensis Ecclesie plebanus ad noticiam vniuersorum presenti pagina cupio peruenire, quod cum a filiabus fratris mei bone memorie Chu°nradi dicti Cesaris Gisla videlicet et Cecilia quatuor predia in Villa Salmonsleiten, que ipsis ure materne hereditatis cesserant, necnon a maritis ipsarum Wernhardo videlicet et Weichhardo ad magnam eorum instanciam proprietatis tytulo comparassem, tractare mecum et cogitare cepi, quale uel in quo loco michi meisque amicis possem remedium perpetuum facere de eisdem. Proinde tamen aduertens, quod Ecclesia sancti floriani quasi mater sue consolacionis vberibus me tenerum educauit, Pauit et beneficiauit, dignum et iustum iudicaui, vt ibi familiaribus obsequijs me deberem astringere, vbi noui me profectus mei recepisse primarium incrementum. Matura igitur deiberacione habita prenotata predia ad altare sancti floriani toto presente collegio In nomine domini tradidi, obtuli et donaui condicionibus nichilominus additis infrascriptis. Verum quia super remediorum donacionibus maligno spiritu instigante oriri discordie sepissime consweuerunt, ad preueniendas omnes lites et rixas visum fuit michi bonum et utile, ut ipsi mee proprietarie donacioni obligatoriam caucionem addere deberem. Preterea memorata predia antedicto Monasterio pro Quinquaginta talentis ex nunc obligo Wiennensis videlicet monete ita, ut si forte aliquis heredum donacionem meam impugnare voluerit vel alias possidere ipsum delectet, pro summa denariorum hic posita liberam redimendi habeat potestatem. Si uero ipsis heredibus soluendi ea facultas non aderit, ipsa Ecclesia sancti floriani tenebitur eadem iusto proprietatis tytulo perpetuo possidere. Cum autem antedicta predia in certo seruicio XVIII. solidos wiennensium annuatim soluere dinoscuntur, statuo et ordino, vt ego et frater meus dominus vlricus Ecclesie sancti Nycolai prepositus, quem huius remedii participem esse volo, in vno die, hoc est in crastino saneti Gregorii libro mortuorum eciam nunc viuentes pariter inscribamur et me defuncto noster anniuersarius in eodem die singulis annis deuocione solita celebretur. In quo eciam die dominorum oblagiarius de summa prescripti seruicij vnum talentum pro consolacione fratribus ministrabit, de reliquis vero decem solidis quinque solidi in septimo et quinque solidi in Tricesimo per eundem oblagiarium inter dominos diuiduntur (sic) ita, ut in eisdem diebus eciam memoria nostri, quemadmodum in ipso anniuersario plenarie habeatur. Quod si forte per aliquod sollemque funus uel festum in eisdem diebus fuerit prepeditum, in die, que proxime vacauerit, supleatur. Verum tamen me viuente in signum proprietatis et dominij dare volo eisdem dominis medium talentum denariorum, vt instituto anniuersarij nostri die, hoc est in crastino sancti Gregorij quamdiu vixero, omnium animarum prout in crastino omnium sanctorum fieri solet deuota memoria habeatur. Vt igitur hec omnia robur perpetuo obtineant firmitatis, presentem litteram sepedicte Ecclesie sancti floriani tradidi Sigilli mei munimine roboratam. Actum et datum anno domini M. CCC. vndecimo in Kalendis Octobris.

Source Fulltext: OÖUB 5 (Wien 1868) S. 62-63, Nr. 60