Quis rex acciones quiete stare permitteret, quisve ipsarum in posterum reminisci posset directe, quis eciam easdem curaret prosequi diligenter, si non hiidem adderentur testium confirmacio et fidelis caucio litterarum. (sic). Necessaria est igitur priuilegialis edicio, vt decursis temporibus et diebus ostendat contra obliuionem instanciam, et calumpniam ac invidiam reuelata facie veritatem. Proinde nos Ainwicus diuina miseracione domus sancti floriani prepositus tenore presencium publice profitemur et constare volumus vniuersis, ad quos peruenerit presens scriptum, quod nos caritate fraterna, que ex domini precepto et patris nostri sancti Augustini semper debent (sic) subditis a Prelatis (impandi?) quantum ipse, qui est vera Caritas nobis donauit, accensi prebendam confratrum et subditorum nostrorum quoad victum et vestitum nostris temporibus omnipotentis dei iuuante nos auxilio studuimus, quia opus erat, non minuere sed augere. Primo quidem Ecclesiam nostram in Ryed, quam multis laboribus et expensis vsibus nostris conquisiuimus Camerario nostro ad cappas melioris staminis de Dorn fratribus nostris comparandas statuimus de communi Conuentus nostri consilio perpetuo deseruire. Celerarie quoque nostre, quam cum multo aggravatam pondere videremus, assignavimus hec subscripta videlicet vaccariam nostram in Au^ege pro libris lxxx denariorum comparatam et hu^ebam nostram in Hofstetten ab Aigelspergariis pro triginta tribus talentis absolutam, euius tamen steura prius nos respexit, et pratum Molendini in villa nostra pro viginti sex libris absoluti cum octo pecoribus per nos eciam comparatis et mansuris perpetuo nec non vineam in Herstell pro Septuaginta tribus talentis per confratris nostri Vlrici Perenawarij fidelem diligenciam comparatam onus de hoc toto sibi modicum imponentes, vt videlicet Celerarius, qui pro tempore fuerit, singulis secundis et quartis ferijs et sabbatis diebus de puro lacte et mundissimis pulcibus triticeis in cena vnum pulmentum cum sagimine uel butiro et cunctis diebus, quibus donantur oua, ferijs et sollempnibus in prandio et in Cena vnum ovum ad prebendam solitam personis singulis amministret. Item omnibus minucionibus per quatuor dies cottidie vnam canulam boni vini ad prebendam conswetam iussimus perpetuo superaddi, quam consolacionem pitanciam nominamus. Ceterum cum ad aqueductus nostri quesicionem et allacionem multam pecuniam expenderimus atque vires, viciosum esset et absurdum si vmquam cuiusquam Prelati quod absit desidia negligenti deberet huiusmodi puritas deperire, eo, quod ad eius conseruacionem nullos deputavimus redditus speciales. Quia tamen aliqua, quorum non hic sed in quadam altera littera fecimus mencionem Ecclesie nostre comparauimus, quedam absoluimus occupata, de quibus magna debilitate nos tenente non potuimus aliquid specialiter ordinare, potest prelatus ex illorum prouentibus hec et alia, que statuimus obseruare irreuocabiliter. Vt ergo ordinacionis nostre presentis institucio firma perpetuo maneat et illesa nec vmquam alicuius prelati successoris nostri in aliqua sui parte vel in toto violencia possit vel debeat aboleri, minui vel mutari, presentes litteras non ex nostre mentis elacione, deus scit, sed de Conuentus nostri instanti rogatu scribi fecimus et Sigilli nostri robore communiri, quod si a quoquam secus attemptatum fuerit, Conuentus, qui respectu potencie prelati est inermis, audacter presentibus se defendat. Absit omnino, ut aliquis prelatorum intendat auellere, que perficere deo dante potuimus nostris temporibus, debet nimirum quisque prelatus hec caritatis beneficia discipulis suis impendere, que dum fuisset subditus, s suo prelato voluit reportare. Datum in sancto floriano per manus Alberti Notarij nostri dilecti plebani in Gru^enpach anno domini M.CCC.XII. Jacobi apostoli.

Source Fulltext: OÖUB 5 (Wien 1868) S. 82-83, Nr. 79