Ich Agnes Grefinn von Aschperch hern Leutolts witeb van Chv^enring, dem Got genad, vergich vnd tuen chvnd an disem prief allen den, di in lesent oder ho^erent lesen, daz di Herren van sand Florians haus hawent gechauft ainn weingarten datz wachav an der Echleiten von Alram dem Grouen zrechtem purchrecht, wand er sein rechtz purchrecht ist gewesen, vnd sol auch in den weingarten scherm, als purchrecht recht hat. Dar vmb, daz den herren der uor genant weingart wol pste\at werd, setzt in Alram der Graf allez, daz er hat hinder vns in der wachav, ze rechtem scherm vnd ewenteur. Daz gantz daz weleib den vorgenanten Herren vnd vnzerwrochen, nach Alrams pet gib ich in disen prief versigelt mit meinem insigel zeinem warn vnd ste\atn vrchv^end. Pei dem chauf vnd pei der stetigung ist gewesen her Hadmar van Spitz, arnolt hu^eglinger, Eortwein, vlrich wachauer, vlreich zechmaister, Seifrid pei dem prvnn, Christan in dem pach, Fridreich gmaener, der des weingarten perchmaister ist, vnd ander piderber leut genuech, den ez wol chvnd ist. Der prief ist gegeben nach Christes gewurd vber Dreutzechen Hvndert jar vnd in dem virtzechentem iar an Sand Mathias Tag.

Source Fulltext: OÖUB 5 (Wien 1868) S. 123-124, Nr. 122