Ich Margret weilent hausfraw fridreichs dez hager, dem Got genade, ich Hainreich sein sun mit allen vnsern erben Su^en vnd To^echtern, wie di sint genannt, veriehen offenbar an disem brief vnd tu^en chunt allen den, die in sehent oder ho^ernt lesen, di nu sind vnd hernach chu^enftig werdent, daz wir mit wol verdachtem mu°t vnd mit vnsern. gu^eteleichen willen zu der zeit, do wir ez recht wol getu°n mochten, deu wis mit allen nu^etzzen vnd ze recht darzu geho^ert, versu^echt vnd vnuersucht, die vnser vreys aigen ist gewesen, gelegen auf der ypff bey Otten dez Stadler wis, die wir vnd vnser vodern enther habent pracht in rechter aiˆgens gewer ledichleieh vnd an alle ansprach, redleich vnd recht haben ze chauffen geben dem erbern man Otten ze Smiding, vrawn Eysalen seiner Hausfrawen vnd allen irn erben, ez sein su^en oder Tochter, die si habent oder noch gewinnent. Wir sein auch von in dez gu°tes gantz vnd gar verricht vnd gewert, dar vmb wir in die vorgenanten wis haben ze chauffen geben, wier schu^ellen auch vnd wellen der selben wis ier scherm vnd gewer sein fu^er alle ansprach, wo in des du^erft geschiecht ze allem dem recht als ander aigen recht hat vnd schullen si daz haben auf vns vnd auf aller vnser hab, wo wir di haben, vnd swenn daz ist getan, daz si die wis wellent verchauffen, so schu^ellen si vns die wis herwider ze chauffen geben vmb ains vnde zwaintzig phunt phenning vnd vmb sechtzig phenning wienner munzz. welle wir oder mu^eg wir ze derselben vrist der wis nicht gechauffen, so, schu°llen si mit der wis allen iern frum schaffen mit versetzzen, mit verchauffen vnd ze geben, swem si wellent vnd schu^ellen wir vnd vnser Erben seu daran mit dhainerlay sach mit nichteu ierren. Daz in von vns die rede vnd die gelub sta^et vnd vnuerchert beleib, darv^eber gib ich vorgenanter Hainreich den offen brief zu einem sichtigen waren gezeug mit meinem anhangunden jnsigel besta^etiget vnd darzu sint dez gezeug Vlreich von Husendorf, Fridreich der Sippekch, Ortolf der Sintzenperger, der schö\en Chu^enrat, Ott der Sintzenpurger, Niclos an dem Espan, Seyfrid der Hugenperger, Hainreich der Rau^et vnd darzu^e ander erber lau^et mer, den die rede vnd der chauf wol chunt vnd gewissen ist. Der brief ist geben, do von Christes gepu^erd sind ergangen Dreutzehen hundert iar vnd in dem fu^enf vnd dreizzigistem iar, an sand Katrein tag.

Source Fulltext: OÖUB 6 (Wien 1972) S. 190f., Nr. 185