Ich Chvnigund di Revsinn von Lincz vergich vnd tuen chunt daz ich gegeben han dem ersamen gotshaus dacz sand Florian recht vnd redleich mit des perchmaisters hant meinen Weingarten dacz Nevnburch, der haisst in der Mitterpeunt, der mein rechtz erb ist gewesen von vater vnd von mueter, vnd mit dem ich ze fu^erzicht von allen meinen vreunden getailt pin, also beschaidenleich, daz man mir von dem vorgenanten gotshaus, di weil ich leb, ein leibgeding raihen schol alli jar dacz Lincz an all mein müe an sand Michels tag zwen mutt chörns, für ieden mutt zwen vnd dreizzig meczen gestrichner Linczer mazz vnd als vil habern vnd zwai phunt alter wienner phenning an sand Jörgen tag, vnd schol auch daz nicht ab gen, di weil ich leb, iz bejaer der vorgenant weingart mit wein oder nicht, wand ich andrer betragnuss nicht enhan. Vnd daz daz allez stet vnd vnuerchert beleib, als vor beschriben ist, dar vber gib ich dem egenanten gotshaus dacz sand Florian disen offen briet versigelten mit hern Hertneids insigel von Havnsperch zden zelten Lantrichter ob der Ens vnd mit Fridreichs des alten Tungozzinger insigel. Der prief ist geben nach Chiists gepurt vber drevczehen hundert iar. dar nach in dem aecht vnd vierzigisten iar an vnsrer Vrawen tag zder Liechtmiss.

Source Fulltext: OÖUB 7 (Wien 1876) S. 45, Nr. 49