Ich Ortolf der Maizzer vnd ich Katreiy sein hausfraw veriehen vnd tu^en chunt allen den die disen brief sehent oder ho^ernt lesen, daz wier mit gutem willen vnd mit rat vnd mit gesampter hant zu der zeit do wir ez wol getu^en mochten vnd mit vnsers perigmaisters hant Chunratz dez Hofmaister ze Challenperig verchauft haben vnser rahen weingarten, di gelegen ist auf dem Challenperig an dem Stegmaizz vnd haizzt der Fridflekch, ze nachst dez pharrer weingarten von Chalnperg, da man alle iar von dient ze pu^erchrecht ain viertail weins vnd einen wienner helbling ze voitrecht vnd einen helbling ze v^eberzins vnd nicht mer gen Chalnperg in die vest. Denselben vnsern weingarten haben wier recht vnd redleich verchauft mit rechter fu^erzicht vnd geben vmb acht phunt wienner phenning mit allem dem nutzz vnd rechten, als wir in vnuersprochenleich in perchrechts gewer herpracht haben vnd als er mit altem recht her cho^emen ist, dem erwirdigen herren hern Nijcloen pischolf von Marpu^orch oder wem er in geit oder schaft fU7erbaz ledichleich ze haben vnd allen iren frumen domit ze schaffen verchauffen versetzzen vnd geben, wem si wellen an allen ierrsal, als in daz aller pest fu^egund ist, wann wier der egenanten acht phunt wienner phenning gar vnd ga^entzleich vericht vnd gewert sein, vnd durch pezzerr sicherhait willen so setzz wir vns ich obgenannter Ortolf der Maizzer vnd ich Katrey sein hausfraw vnd vnser erben vnuerschaidenleich vber den egenanten weingarten dem vorgenanten herren hern Nyclon pischolf von Marpurch oder wem er in geit oder schaft ze rechtem gewern vnd scherm fu^er alle ansprach, als pu^erchrechts recht ist vnd dez landes recht in Osterreich, wa^er aber daz, daz seu fu^erbaz an dem obgenanten weingarten vnd waz dar zu geho^ert icht chriegs oder ansprach gewunnen, oder ob yempt mit recht daran abgieng, waz seu dez schaden na^emen, den schu^ellen wir in auzrichten ablegen vnd wider chern an alle ier mu^e vnd an allen irn schaden. Daz lu^eben wir in ze laisten an alles gevaerde mit vnsern trewen an aydes stat vnd schu^ellen daz alles haben auf vns vnuerschaidenleich vnd auf allem vnserm gu^ot daz wir haben in O^esterreich, wier sein lebentig oder tod. Daz diser chauf vnd scherm fu^erbaz sta^et gancz vnd vnzebrochen beleib, seit wier noch vnser pergmaister der obgenant Chu^enrat Hofmaister ze Chalnperig nicht aigen jnsigel haben, geben wir in disen brief versigilt mit herren Pilgreims jnsigel dez Wu^erffel zu den zeiten chorherre vnd obrister chelner ze Neunbu^orch chlosterhalm an Chu^enrats dez Hofmaister stat, vnd haben gepeten herren Ortolffen den Tutzzen, dieweil richter vnd slu^ezzler ze Neunbu^orch vnd den erbern man Micheln den alten chuchenmaister, daz si diser wandlung an vnserr stat mit irn insigeln gezeugen sein. Der brief ist geben ze Neunbu^orch nach Christi gebu^orde dreutzehen hundert jar darnach in dem sechs vnd fu^emftzkistem iar dez nachsten suntags nach der auffart.

Source Fulltext: OÖUB 7 (Wien 1876) S. 456f., Nr. 452