Charter: Urkunden (900-1797) 1360 VI 02
Signature: 1360 VI 02
Add bookmark
Edit charter (old editor)
2. Juni 1360, Wien (Wienne)
Gottfried, Bischof von Passau, bestätigt, was in seinem Auftrage der Canoniker von Passau, Magister Heinrich, zur Beilegung der Uneinigkeit zwischen dem Propste und dem Konvent zu St. Florian angeordnet hat.Source Regest: OÖUB 7 (Wien 1876) S. 701f., Nr. 697
Current repository:
Stiftsarchiv St. Florian (www.stift-st-florian.at)
Stiftsarchiv St. Florian (www.stift-st-florian.at)
Mit einem Hängesiegel. Material: Pergament
Gotfridus dei gracia Patauiensis episcopus. Recognoscimus et constare volumus presencium inspectoribus vniuersis, quod cum inter venerabilem in Christo Weigandum prepositum ex vna, et dilectos in Christo decanum et conuentum monasterii sancti Floriani ordinis sancti Augustini canonicorum regularium nostre dyocesis parte ex altera diuersarum discordiarum materia esset orta, nos lites et discordias huiusmodi euellere cupientes dilectum nobis in christo magistrum Hainricum canonicum nostre Patauiensis ecclesie ad monasterium transmisimus memoratum, vt vice et auctoritate nostris lites et discordias sopiret et efficaciter conplanaret. Qui prehabitis diuersis tractatibus et consiliis tandem inter partes predictas de voluntate et mutuo consensu ipsarum hanc concordiam et ordinacionem statuit et firmauit, quod prepositus canonicis memorati conuentus officia monasterii regenda conmittat et eisdem prebendas ministret et ministrari faciat ea integritate et bonitate, sicut temporibus Hainrici bone memorie quondam prepositi ibidem dinoscitur esse factum. Prefati quoque canonici prebendis et officiis hactenus consuetis vt premittitur sint contenti, et iidem canonici dicto suo preposito exhibeant et exhibere teneantur obedienciam reuerenciam et honorem debitos et condignos prout eciam temporibus Hainrici eiusdem monasterii quondam prepositi scitur esse laudabiliter obseruatum. Et quia ordiiiacionem supradictam attente discucientes ipsam inuenimus dictarum personarum religioni conpetere pariter et quieti, illam gratam et ratam habentes approbamus et robur habere decernimus firmitatis, auctoritate et officio ordinarie potestatis volentes, dictoque preposito et singulis et vniuersis canonicis sepedicti monasterii in virtute sancte obediencie districte precipientes et ordinacioni predicte ex omni parte intendant et pareant effectiue, nec contra ipsa seu contenta illius quidquam faciant vel attemptent sicut canonicam effugere voluerint vlcionem. In quorum omnium et singulorum testimonium et certitudinem pleniorem presentes appensione sigilli nostri mandauimus conmuniri. Datum Wienne die beatorum Processi et Martiniani martirum anno domini millesimo trecentesimo sexagesmo.
Source Fulltext: OÖUB 7 (Wien 1876) S. 701f., Nr. 697
Original dating clause: die beatorum Processi et Martiniani martirum
Language:
Places
- Wien (Wienne)
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}