Ich Ulreich der Chremsdo^erfer und mein hausfrawe und ich Albrecht der Chremsdo^erfer und mit uns all unser erben wir vergehen, dazwir ze chauffen haben geben unsrew gueter die hernach geschriben stent, unsern hof datz Posch pey der Tuenaw in Florianer pfarr und unser hueb an dem Aygen und di mu^el an der Scherren auf dem Syppach in Pukchinger pfarr, dem erbern herren probst Weyganten ze sand Florian und dem convent do selbs umb sechs und funftczik pfunt pfenning alter wyenner mu^enzz der wir gautz und gar gewert sein, und di wir vo^er gehabt haben ze einem zins von dem erbern herren probst Weyganten und dem gotzhawz dacz sand Florian, den hof umb acht und sybenczik phenning und di hueb und di mu^el umb zwelif pfenning. Daz di red und di wandlung dem offtgenanten probst und dem gotshawz dacz sand Florian also staet und unczebrochen beleyb daruber gib ich in vo^ergenanter Ulreich der Chremsdo^erfer und ich Albrecht der Chremsdo^erfer den prief versigelten mit unsern anhangunden insigeln, und ze einer pezzern zeugnu^ezz mit meinez sweher Fridreichs dez Walchs und mit unsers o^ehaims Meinharts dez Woelhinger anhangunden insigeln in au schaden. Der prief ist geben do man zalt von Christez gepu^erd drewczchen hundert jar darnach in dem aynen und sechczikisten jar an aller heyling tag.

Source Fulltext: OÖUB 8 (Wien 1883) S. 47f., Nr. 45