Ich Pawl der Tungo^ezzinger purger ze Linz und ich Chunigund sein hausfraw und all unser erben wir vergehen, daz wir verchaufft haben unsern weingarten gelegen ze Stain auzzerhalb des to^ers an dem Plintperg und haizzet di Leyten mit allen den rechten und nuczen als wir in in gwerschaft her pracht haben, dem ersamen wirdigen geistlichen herren hern Weyganden probst ze sand Florian und seinem gotshaws doselbs umb ain gelt des wir gancz und gar gericht und gewert sein. Ez ist auch di handlung geschehen mit gunst und willen unsers lieben perchherren hern Petern Gotts cho^erherren ze Matsee und di zeit pfarrer ze Stain dem man alle jar do von raichet funf phenning ze gruntrecht an sand Michels tag und allen seinen nachko^emen. Daz di red staet und unczebrochen beleib daru^eber gib ich obgenanter Pawl der Tungozzinger in den offen prief ze einer warn und sichtigen urchund versigelten mit meinem anhangundem insigel und mit unsers vorgenanten perchherren insigel, und ze einer pezzern zeugnuzz und sicherhait der sach mit unsers lieben swager Ulreichs des u^eczinger anhangundem insigel. Der prief ist geben nach Christes gepurd drewczehen hundert jar darnach in dem funf und sechcziiksten jar an unser vrawen tag zder lichtmesse.

Source Fulltext: OÖUB 8 (Wien 1883) S. 206, Nr. 202