Ich Hainreich der Lotich seit zder zeiten richter ze Lyntz tu^en chund mit dem brief, daz di ersamen geistleichen herren di cho^erherren von sand Florian gesprochen habent mit dem rechten hintz dem haus an dem Urvar daz weylnt gewesen ist Hainreichs an dem Urvar, also daz si mit rechtem recht mit frag und mit u^ertail vor meiner offenn schrann becho^emen sind, daz ich sev dezselben haus geweitigt han und an nutz und gewer han gesatzt nach irr briefs sag den si mit der stat insigel daruber habent, und habent auch mier dez hertzogen purchrecht dez acht phenning sind davon geben. Und daruber ze u^erchund gib ich in den brif gesigelten mit meinem insigel, der geben ist nach Christes gepurd drewtzechen hundert jar und in dem syben und sechtzkistem jar des vreitags in den vier tagen in der vasten.

Source Fulltext: OÖUB 8 (Wien 1883) S. 312, Nr. 318