ICH Eberhardt von Capelln hauptman zw Ennss unnd mit mier all mein erben verjechen, das wier geben haben durch unnser haill willenn zu unnser lieben styfft dem erwüerdigen frauen chloster zu Pulgarn den frawen unnd den herrn daselbs unnsern thaill ann dem urfar gelegen zu Mauttern mit allen den ehren rechten und nutzen unnd dartzu gehört. Das haben wier ien geben dass sy das sollen innhabenn ganntz jahr achte zu den zechenn jahren die sye vor inngehabt haben alss der brieff inn sagt den sy von unns daru^eber haben, und sollen sy auch den vorgenanndten mein thaill an dem urfar innhaben die acht jahre inn aller der mass unnd inn allenn dem rechtn als sy es vormallenn die zechen jahre inngehabt haben unnd alss der brief lauth den sy darüber von unns habent umb die zechen jahre, und soll sich auch von unnserntwegen nindert daran jerren noch hindern inn khainen wegen. Das innen das fürbass stätt und unverkhert also bleibe von mier unnd meinen erbenn, darüber so gib ich obgenannter Eherhardt von Capellen innen den offen brieft versygellt mit meinem anhanngundten innsigell wollbestätt, und der sach ist zeug mein dienner Harnoldt von Capelln anhanngunndtem innsygell unnd mit Wentzlans von Capelln innsygll unnd Albert der O^eder mit seinem innsygll. Geben zu Ennss nach Christes gebuert dreytzechen hundert jahre darnach in dem sybentzigistenn jahre des pfingstag nach sanndt Mathias tag.

Source Fulltext: OÖUB 8 (Wien 1883) S. 459f., Nr. 463