ICH Eberhardt vonn Capelln der elter zu denn zeitten haubtmnnn zu Ennss herrnn Hannsen soelligen sohn von Capelln dem Gott genadt und ich Eberhardt von Capelln der junger herrnn Ulreichs sälligen sohnn von Capelln, dem auch Gott genadt wier verjechen lebentigenn unnd khunfftigenn, das wier mit aller unser erben guettem willen unnd gunst durch Gott unnd durch unnser unnd unsrer vorvordern unnd nachkhomben seellhaill willen gebenn habenn unnd geben auch mit disem brieff dem ehrwüerdigen frauen closter unnserer lieben styfftung. meines vorgenannten Eberhartten von Capellnn des eltern rattern herrn Hannsen von Capelln dem Gott genadt mit jungkhfrauen Angnesen von Valckhenberg saelliger gedechtnuss gestyfft hat, den closterfrauen unnd den briestern des heilligen geistsorden daselbs unnd allen ieren nachkhomben unsers rechtenn aygens die pfarrkhirchen zw Steyreckh mitsambt der khirchenlechenschafft der mitkhirchen der tochter unnd der capellnn die dartzue gehörent, unnd auch mit allen den rechtenn ehren wüerdtenn unnd nutzen unnd dartzue gehörent also beschaidenleich, das die vorgenannten briester die den ordenn zu Pulgarn arm sich genombenn habenn die ehegenannte pfarrkhirchenn zu Steyreckh unnd die anndern zuekhirchenn unnd capellen die dartzue gehörent hinfüer ebigclich ordenntlich gewunnen (sic) unnd göttlich besitzenn unnd besingen sollenn unnd pfarrherr da sein sollenn unnd innhabenn sollen mit inn selber oder mit laybriestern, wie das den ehegenanten closterfrauen unnd den briestern des heilligen Geistsordenn daselb allerpest fuegt unnd allernützlich ist ann alle ierung unnser unnd aller unnserer erbenn unnd nachkhombenn, unnd soll auch der gottsdienst der ehegenannten pfarrkhirchen unnd der anndern mitkhirchen unnd capelln die dartzue gehören unnd auch bey dem closter zu Pulgarn nyndert gemyndert werdtenn inn khainem weg nuer alle tag gemehrt, doch unverzogen aller der rechtenn die dem römischen stuell unnd das pistumb Passau angehörent an der ehegenannten khirchen zu Steyreckk. Unnd das das alles ebigclich also stätt unnd unnzerbrochen bleibe, darüber zu ainem wahren sichtigen uhrkhundt diser sach geben wier innen den brieff versigellt mit unnser obgenannt baider von Capeln annhanngundten innsigelln, unnd der sach sindt getzeugenn unnser liebe freundt unnd öheim Bernhart von Meissaw obrister marschalckh inn O^esterreich unnd zu den zeitten haubtmann ob der Ennss Hainrich von Wallsee von Ennss und Rudolff von Walsee von Ennss auch mit ieren anhangunden innsygelln. Der brieff ist geben am sanndt Philipp und Jacobs tag der heilligenn zwelffbotten nach Cristus gebuert dreytzechenn hundertt jahre unnd darnach inn dem vierundtsibentzigistenn jahren.

Source Fulltext: OÖUB 8 (Wien 1883) S. 698f., Nr. 688