Charter: Urkunden (900-1797) 1374 IV 13
Signature: 1374 IV 13
Add bookmark
Edit charter (old editor)
13. April 1374, Passau (Patavie)
Bischof Albrecht von Passau erlaubt dem hart bedrängten Kloster St. Florian die Hälfte der Jahreseinkünfte von den erledigten Pfründen seines Patronats zu beziehen.Source Regest: OÖUB 8 (Wien 1883) S. 694f., Nr. 685
Current repository:
Stiftsarchiv St. Florian (www.stift-st-florian.at)
Stiftsarchiv St. Florian (www.stift-st-florian.at)
Mit den hängenden Siegeln des Bischofs und des Kapitels in rotem Wachs an grünen und roten Seidenfäden. Material: Pergament
Albertus Dei et apostolice sedis gracia episcopus Pataviensis venerabilibus et religiosis nobis in Christo dilectis preposito et conventui monasterii sancti Floriani ordinis sancti Augustini canonicoruni regularium nostre diocesis salutem in omnium salvatore. Etsi generaliter ex incumbentis nobis pastoralis officii sollicitudine cunctis ecclesiis ejusdem nostre diocesis ad dilatationem sui comodi nos recognoscamus obnoxios, illas tamen specialiori gracia complectimur que nobis immediacius attinent divinisque officiis ferventius inserviunt et humanis oneribus frequencius opprimuntur. Sane ad relevacionem dicti vestri monasterii seu domus sancti Floriani liberalitatem nostram dum vestras et ipsius necessitates perpendimus duximus extendendam. Hec est enim ordinis specula et religionis exemplar hec est illa que fovet exules et consolatur indigenas queque in se favorem singulorum excitat in hospitalitatis exercicio preferens vicem Marthe. Hac nimirum et presertim quod propter gwerras et tyrannidem laycorum circumadjacentium terrarum redditus dicti monasterii pro infrascriptis necessitatibus ultra alia onera sibi incumbencia non sufficiunt, pia consideracione permoti vobis de consilio et expresso consensu venerabilis capituli nostri Pataviensis auctoritate ordinaria presentibus indulgemus et potestatem damus licite tollendi et recipiendi perpetuis temporibus medias fructus et obvenciones primi anni in omnibus et singulis ecclesiis ad vestram collacionem seu presentacionem spectantibus in dicta nostra diocesi constitutis tociens quociens eas vel earum aliquam vacare contigerit, ita quod fructus et obvenciones hujusmodi pro aqueductu fontium quibus non sine tedio et defectu caruistis hactenus et aliis vestris necessitatibus fideliter impendatis. Hanc tamen graciam ad minores vestras ecclesias de quibus in absencia veris pastoribus nichil solvi conswevit nolumus extendi, proviso etiam quod predicte ecclesie conswetis ministris et debitis inde non fraudentur obsequiis quodque in eisdem onera canonica modo debito supportentur. Datum Patavie anno domini millesimo trecentesimo septuagesimo quarto die XIII. mensis Aprilis.
Source Fulltext: OÖUB 8 (Wien 1883) S. 694f., Nr. 685
Original dating clause: die XIII. mensis Aprilis
Language:
Places
- Passau (Patavie)
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}
){kind=link}
){kind=link}