In nomine domini Amen. Anno natiuitatis eiusdem Millesimo Trecentesimo Septuagesimo octauo, Indicione prima, Mensis vero Februarii die septima, Pontificatus sanctissimi in christo patris ac domini nostri domini Gregorij diuina prouidencia pape vndecimi anno octauo, hora vesperarum uel quasi, in mei publici notarij et testium infrascriptorum (presencia) ¹⁾ perfonaliter constitutus, discretus vir Jacobus de Fraundorf Rector parrochialis Ecclesie in Müldorf patauiensis diocesis publice fatebatur et sollempniter recognouit non ad hoc inductus vi, metu alicuius persone nec errore iuris uel facti, sed solum iusta consciencia motus de sua propria et spontanea voluntate, sine dolo et fraude de et super annua pensione perpetua octo librarum denariorum wiennensium de dicta Ecclesia parrochiali in Mu^eldorf Venerabili et Religiosis viris, preposito et Conuentui Monasterij sancti Floriani ordinis sancti Augustini Canonicorum regularium Patauiensis diocesis legittime debitam et singulis annis per eum, quamdiu dictam parrochialem Ecclesiam in Mu^eldorf haberet aut possideret vel fructus ex ea perciperet, soluendam diuisim tarnen in singulis quatuor temporibus anni duas libras irreuocabiliter promisit et se ad hoc astrinxit et obligauit omni via, modo, iure et forma, quibus efficacius debuit et potuit. Si vero dicta pensio in quolibet terminorum predictorum, vt est premissum, dictis dominis preposito et Conuentui aut eorum procuratori aut nuncio soluta non fuerit, Promisit idem dominus Jacobus domino preposito stipulanti nomine suo et dicti sui Conuentui²⁾ (sic) in antea facere, reficere, soluere et integraliter resarcire omnia et singula dampna, expensas et interesse, quas et que prefatus dominus prepositus uel Conuentus aut procuratores uel nuncij eorum ob defectum huiusmodi solucionis aut eius occasine quomodolibet facerent aut incurrerent, pro quibus omnibus et singulis obseruandis et firmiter obtinendis et adimplendis prefatus Jacobus Rector dicte Ecclesie obligauit dictis dominis preposito et Conuentui omnia bona sua ac dicte Ecclesie sue, mobilia et inmobilia tarn habita quam habenda, que omnia bona sua idem Rector se nomine dictorum dominorum prepositi et Conuentus se constituit iure precario pro predictis dominis preposito et Conuentu possidere vsque ad integram solucionem dicte pensionis annis singulis et terminis prescriptis persoluende ac obseruacione plenaria omnium premissorum, prout superius est expressum, Quotque idem domini prepositus et Conuentus aut procuratores uel nuncij eorum uel eorum aliquis possint et debeant ex nunc in antea bona sic obligata in quibuscunque vel vbicunque consistant uel in futurum consistere poterant (sic)³⁾ , capere, vendere, alienare, distrahere et pignori obligare auctoritate propria sine pena cuiuscunque iudicis ecclesiastici uel secularis aut quouis preiudicio dictorum prepositi et Conuentus et suorum et apud se in solutum retinere pro iusto et conpetenti precio et se seruare omnino indempnes. dictusque Jacobus promisit dictam pensionem dicto domino preposito et eius Conuentui aut nuncio uel procuratori eorundem supradictis terminis, postquam fuerit super hoc requisitus annis singulis, vt premittitur, dare et soluere, nullas dilaciones querere, nec contrariam excepcionem opponere et contra omnia et singula premissa uel aliquid premissorum in aliquo nullo modo venire. Acta sunt hec in dote Ecclesie sancti Michahelis in Wachouia in estuario anno, Indiccione, pontificatus (sic)⁴⁾ , die, hora, Mense, quibus supra, presentibus discretis viris domino Petro plebano ad sanctum Michahelem, domino Michahele et domino Chu^enrado de Rossatz, domino Vlrico de wachouia, prespiteris Patauiensis diocesis et alijs fide dignis ac (ad)⁵⁾ premissa vocatis specialiter et rogatis. Et ego Symon de Campimonte presbiter Patauiensis diocesis publicus jmperiali auctoritate Notarius dictorum pensioni, promissioni, solucioni ac omnibus zeichen. et predictis, dum agerentur, ut prefertur, presens sui eaque cum testibus predictis fieri vidi et audiui et in hanc publicam formam redegi et alijs negocijs prepeditus per alium fideliter scribi feci, quod meis nomine et signo solitis signaui. Requisitus specialiter in euidens testimonium premissorum.

Source Fulltext: OÖUB 9 (Wien 1906) S. 386-388