Ich Gotfrid der Prewzz vnd ich Katrey sein Hawsfraw, vnd all vnser Erben vergehen —, Daz wi^er —, verchauft haben, mit Pu^ercherren Hant, Christan, des Tu^enschaden, vnsers ledigen vnuerchumberten Pu^orchrechts, ain Pawmgarten, der gelegen ist, dacz sand Michael ze nachst Chv^enrats des flanders paw^emgarten, vnd da man alle Jar von geit, in des egenanten Pu^ercherren Lehen ze sand Michel drey wienner Phenning, zu rechtem Pu^erchrecht, vnd dem Pharrer dacz sand Michel ain halb phunt wienner phenning ze Czins, allez an sand Michelstag, vnd nicht mer, —, als wi^er Jn vnuersprochenlich in Pu^erchrechts gewer, her pracht haben, —, dem erbern Herren, Hern Petrein, di zeit Pharrer dacz sand Michel seinem Gotshaws vnd allen seinen Nacho^emen, vmb Sechs Phunt wienner Phenning, —. Wir sein auch des obgenanten Paw^emgarten Jr recht Scherm, vnd gewer für all ansprach, als Pu^orchrechts recht ist, vnd des Landes recht in Osterreich. —, Vnd des zu Vrchünd geben wi^er dem vorgenanten Pharrer, vnd allen seinen Nacho^emen den offen bri^ef vnd (wann) ich egenanter Prewzz, vnd ich obgenanter Pu^ercherr, nicht aygner Jnsigel haben, So haben wi^er vleizzichleich gepeten, die erbern Chu^onraten den flander, der pey dem Chauf gewesen ist vnd Niclan den Juden, daz sy der sach zeug sind, mit i^ern anhangunden Jnsigeln, in payden an schaden, dar vnder wi^er vns verpinden mit vnsern trewn, an aydes stat, allez daz stet ze haben daz vorgeschriben stet, pey dem Chauf ist auch gewesen Ru^eger Pekch, Symon der Walicher vnd ander erber Lewt ze Wesendorff. Der brif ist geben an Eritag vor sand Michelstag, Nach Christs gepu^erd dreu czehen Hvndert Jar, dar nach in dem Acht vnd Sybenczkisten Jare.

Source Fulltext: OÖUB 9 (Wien 1906) S. 502-503