Ich Frydreich der Mülner an der Pruck ze Perig, vnd ich Chunrad sein sun, vnser Hausfrawn, vnd alle vnser Erben, an aynem tail vnd ich Mertel von Rüczeldorf, vnd ich Vlreich Elbein vnd ich Chunrad auf der Ödengrueb an dem andern tail, vnser Hausfrawn, vnd alle vnser Erben, veriehen Öffenleich mit dem brief vnd tun chund alle den di in sehent oder hörent lesen, Daz wir vmb alle chrieg, sto^ezz, vnd ansprach, vnd vmb all scheden, die zwischen vns geschehen sint, von der Hueb wegen, in der O^edengrueben genant, gelegen in pukinger Pharr, daz wir genczlichen vnd gar, dar vmb verricht, vnd vertaydingt sein, angever, vor dem edlen Herren Hern Eberharten von Chajpellen, Haubtman ze Enns, Also daz ich vorgenanter Frydreich der Mu^elner, vnd ich Chunrad sein svn, vnd all vnser Erben, hincz dem Goczhaus dacz sand Florian, vnd hincz den vorgenanten lewten von der vorgenanten Hueb. wegen. nymmer mer nicht ze reden noch ze sprechen süllen haben in chainerlay weiz weder mit recht noch an recht, Wi^er haben vns auch angenommen vnd verhaizzen vnd versprechen fu^er Wytigeins chinder von Steyrekk, vnd fu^er O^ettleins chinder auf dem Perig, vnd für all ir Erben. Wi^er haben auch zu sampt vns zu selbgescholn vnd ze Pu^orgeln gesaczt di Erbern Lew^et, die her nach geschriben stent, Otten den Rotter ze Larich, vnd Hansen den Müleich, daselbs, Vnd V/elreich den Mülner ze Chirichstegen, Vnd Chunraten da selbs, vnd Hainreichen den Müleich ze Larich, vnd Chu^onraten den Stokhaimer da selbs vnd Hansen den Steger da selbs, vnd Ortolfen den Mu^elner da selbs, Also in der selben weiz auf dem andern tail, verhaiz ich vorgenanter Mert von Rüczeldorf vnd ich Vlreich Elbein vnd ich Chunrad auf der O^edengrueb, vnd ich Hainreich von Zeydelhaim vnd Hendel an dem Maizz von der scheden wegen, di wir von in enphangen haben, auch nymer mer nichcz ze reden noch ze sprechen süllen haben in chainen weiz weder mit recht noch anrecht, welcher tail aber daz über fu^ere in welcher weiz daz geschech, Daz zwen pyderman pey iren trewen gesprechen möchten, der ist seinem Herren veruallen. zway vnd dreizzigk Phunt wyenner Phenning, vnd sol auch die scha^eden wider chern, die dann geschehen sint vnd daz daz stet vnd vnczebrochen beleyb, verpinten wi^er vns Ped tayl mit sampt vnsern Porgen. vnuerschaidenlichen mit vnsern trewen, an aydestat ünder des Edlen, Erbern Herren Hern Eberharcz von Chajpellen Hauptman ze Enns. Anhangunden Jnsigel allez daz stet ze haben, daz in dem brief geschriben sta^et. Geben da man zalt von Christi gebu^erd v^eber drewczehen hundert Jar vnd darnach in dem achczigesten Jar an dem freytag vor dem Suntag, so man singet Reminiscere.

Source Fulltext: OÖUB 9 (Wien 1906) S. 798-799