Ich Eberhart von Chappel bechenn offenleich mit dem brief, daz mich der erwirdig geystleich herr probst Steffan dacz sand Florian gepeten hat von sein vnd seines gotshaws wegen zu einen vogt seiner gueter in der Riedmarch, die etwen mein vettern auch nach ir pet wegen geuogt habent, also beschaidenleich, daz ich dhainer erbvogtey noch erbrecht darauf iehen schol vnd schol in trewleich schermen, als ich im versprochen han. Mit vrchund dez briefs besigelt mit meinem aufgedruchten insigel geben nach Christi gepurd drewzehen hundert iar darnach in dem funf vnd achczigistem jar an vnser Frawen tag ze der Schidung.

Source Fulltext: OÖUB 10 (Wien 1933) S. 338-339