Ich Libavn von Tru^echsen vergich vnd tv^en chunt offenbar allen den, di disen prief ansehent lesent oder ho^erent lesen, di nv lebent oder noch chv^enftich sint, daz ich wol bedacht vnd tze der tzeit, do ich iz wol getv^en mo^eht, han gelihen Gotschalichen Otten Svn von Hall vnd seiner Housvrowen Alheiden vnd allen iern Eriben, iz sein Sv^en oder To^ehter, tzwai lehen, aines gehaizzen tze premo^ed, daz ander der Grilllpo^ertz, tze rehtem lehen mit alle dev vnd tzv^e den vorgenanten lehen geho^ert tze Holtz und tze veld, versveht vnd vnversveht, tze niezzen vnd tze haben nach lehens recht er vnd all sein afterchv^enfft von mier vnd von mein geeriben. Daz di vorgeschriben sachh steet vnd vnverchert beleib, darvm vnd darvber gib ich disen prief tze einem Tzevg vnd tze einem ewigen v^erchv^end vervestent vnd besta^etigt mit meinem anhangvnden jnsigel. Dierr sachh sint auch getzevg Her Livtolt von Pernowe, V°lreich in dem Ort, Dietrich Grvenpech, Otakcher Grvenpech, Ornolt der Power, Haidemrich von Otstorf, Ott von Hall, Gvndakcher sein Svn, Fridreich der Schreiber von Chirichdorf vnd ander piderb Levt genv^eg, den di sachh wol chvnt ist. Der Prief ist gegeben, do von vnsers herren gepvrd sind ergangen Drivtzehen Hvndert iar, Darnach in dem fvmftzehenden iar an sand Georgn abent.

Source Fulltext: OÖUB 5 (Wien 1868) S. 145-146, Nr. 147