Gotfridus Dei gracia episcopus Patauiensis omnibus in perpetuum. Sane cum dilectus fidelis noster Eberhardus de Waltse capitaneus castri nostri montis sancti Georij iuxta Patauiam sanctimoniales monasterij in Slierbach sue fundacionis ordinis cisterciensis nostre diocesis pro temporali sustentacione et aliis oneribus supportandis conspiciat pluribus indigere, nobis instanter deuotis precibus supplicauit, ut ecclesiam parochialem sancti Kyliani in Wartberg iuxta aquam Chremse dicte nostre dioecesis ad presentacionem ipsius ex causa permutacionis hactenus spectantem conuentui et monasterio antedictis pro suis defectibus submouendis et ceteris oneribus commodius supportandis annectere incorporare et unire graciosius dignaremur. Nos igitur deuotis ipsius supplicacionibus et desiderijs in domino comendandis promptitudine debita annuere et commoditati personarum prefati monasterii, que virtute domino in vita deseruiunt monastica, intendere cupientes ut creatori altissimo quiecius et feruencius ualeant famulari, prenominatam ecclesiam sancti Kyliani cum omnibus iuribus et pertinencijs suis de consilio et consensu venerabilis capituli nostri conuentui et mona-sterio supradictis incorporamus ac in perpetuum annectimus et unimus. Itaque post annexionem et unionem huiusmodi cedente vel decedente eiusdem ecclesie rectore seu ipsa ecclesia quouis alio modo uacante liceat conuentui prefati monasterij auctoritate propria cuiusquam alterius licencia uel conssensu minime requisito eiusdem parochialis ecclesie possessionem apprehendere uel illam in usus suos et sepe dicti monasterij perpetuo retinere, reseruatis tamen de ipsius parochialis ecclesie sancti Kyliani supradicte prouentibus redditibus et obuentionibus comunibus pro yicario clerico seculari nobis et nostris successoribus presentando ac per nos et nostros successores instituendo porcione congrua, ex qua comode sustentari hospitalitatem tenere pecunias comunes papales et legatorum ac nunciorum sedis apostolice et aliorum aut queuis tum papalia ac episcopalia persoluere ualeat aliaque sibi incurabencia onera supportare. In quorum premissorum omnium testimonium euidens et certitudinem pleniorem presentes mandauimus fieri litteras, appensionibus sigillorum uidelicet nostri et predicti venerabilis nostri capituli comunitas. Datum Patauie feria tercia proxima post natiuitatem gloriose virginis Marie anno domini millesimo trecentesimo quinquagesimo nono. Aus dem Vidimus, welches Johannes episcopus Patauiensis, Hermanus Digm (?) decanus totumque capitulum ejusdem ecclesie von dem ihm von Johannes ecclesie parochialis in Gmunden rector vorgewiesenen Original anfertigen liess, ddo. Patauie, anno dm M° ccc° octuagesimo quinto indictione octava, die vicesima mensis maji hora quasi sexta, pontificatus sanctissimi in Christo patris et domin nostri Vrbani, diuina providencia pape Vü anno octavo.||
Presentibus honorabilibus uiris domino Ulrich rectore parochialis ecclesie in Scherding et Conradu dicto Has, rectore parochialis eeclesie in Hartchirchen nec non Erhardo Widmer presbytero dicte Patauiensis diocesis, testibus ad premissa uocatis et rogatis.||
(Monogramma.) Et ego Hainricus Kekch clericus Patauiensis, publicus apostolica et imperiali auctoritate notarius supra scriptas originales litteras||
fideliter transsumpsi et copiaui etc.||
(Monogramma.) Et ego Heinricus dictus Rupfel, clericus Patauiensis publicus imperiali auctoritate notarius presens transsumptum fideliter transsumpsi et copiaui etc.

Source Fulltext: OÖUB 7 (Wien 1876) S. 657f., Nr. 648