Ich Rudolff von Walse pechenn mit disem offen prieff allen den, dy in sehent horent oder lesent, daz ich an meiner vnd meins vettern Jorgen von Walse stat aufgenomen hab von Prawen dem Heblinger von Awse vnd seinen geswistreiden dye hernach geschriben guter, dye sew von dem egenanten meinem vettern Jorgen ze lehen gehabt habent, dez ersten ein gut genant im Hornpach, acht czehenthawser in Varichdorffer pharr, der sind drew dacz Hornpach ains dacz Perichthering czway dacz Chirichhaym ains dacz Scherenperig vnd den czehent in dez Payner hoff. Dye selben güter allew hab ich gelihen der erbern frawn Elspeten Jorigens dez Chramer witiben vnd leich irs auch wissentleich mit dem gegenwurtigen prieff, was ich ir durch recht leichen schol vnd mag. Mit vrchund dez prieffs versigelten mit meinem anhangunden insigel, geben nach Christes gepurd drewczehen hundert iar darnach in dem vier vnd achkisten iar an dem heiligen Prehentag.

Source Fulltext: OÖUB 10 (Wien 1933) S. 234